आज २ हजार रुपैयाँले बढ्यो सुनको मूल्य, कतिमा भइरहेको छ कारोबार ?

काठमाडौं । नेपाली बजारमा शुक्रबार (आज ) सुनचाँदीको मूल्यमा वृद्धि भएको छ।

बिहीबार प्रतितोला पाँच सय रूपैयाँले बढेको सुनको मूल्य शुक्रबार थप दुई हजार रूपैयाँले वृद्धि भएको छ ।

नेपाल सुनचाँदी व्यवसायी महासंघका अनुसार छापावाल सुन आज प्रतितोला १ लाख ५३ हजार ५ सय रूपैयाँमा कारोबार भइरहेको छ । बिहीबार सुनको मूल्य प्रतितोला १ लाख ५१ हजार पाँच सय रूपैयाँ थियो।

चाँदीको मूल्य पनि आज बढेको छ । शुक्रबार चाँदी प्रतितोला एक हजार आठ सय १० रूपैयाँमा कारोबार भइरहेको छ। बिहीबार चाँदी १ हजार ७ सय ९० रूपैयाँमा कारोबार भएको थियो ।