फोटो पत्रकार तथा आरोही पूर्णिमा श्रेष्ठ सीएनएनको उत्कृष्ट खेलाडीको सूचीमा

काठमाडौं । फोटो पत्रकार तथा पर्वतारोही पूर्णिमा श्रेष्ठ सञ्चार माध्यम सीएनएनको वर्ष २०२४ को सफल खेलाडीको सूचीमा परेकी छन् ।

सीएनएनले वर्ष २०२४ को सफल खेलाडीहरुको सूचीमा श्रेष्ठलाई पनि समेटेको हो । पूर्णिमाले १३ दिनमा तीन सगरमाथा चेढ्दै रेकर्ड बनाएकी थिइन् ।

सीएनएनले दुई हप्तामा तीनपटक सगरमाथा आरोहण गरेर विश्वकीर्तिमान बनाउँदै इतिहास रचेको भन्दै उनलाई उत्कृष्ट खेलाडीको सूचीमा राखेको बताएको छ ।

पूर्णिमाले यो सफलता पाउँदा आफू खुसि भएको बताएकी छन् । समाजिक सञ्जालमा उनले २०२४ आफ्नो लागि खुसिको वर्ष भएको बताएकी छन् ।

‘यो वर्ष मेरालागि ऐतिहासिक वर्ष बन्न पुग्यो । एउटै सिजनमा तीन पटक विश्वकै सर्वोच्च शिखर सगरमाथाको सफल आरोहण गर्ने संसारकै पहिलो महिला बने, यो यात्रमा सहयोग गर्ने सम्पूर्णलाई धन्यवाद,’ उनले भनेकी छन् ।