किन बस्दै छ रास्वपा सचिवालय बैठक ?

काठमाडौं । राष्ट्रिय स्वतन्त्र पार्टी (रास्वपा)को सचिवालय बैठक शुक्रबार दिउँसो ३ बजे पार्टी केन्द्रीय कार्यालय चःमतिमा बस्ने तय भएको छ ।

बैठकमा समसामयिक राजनीतिक अवस्था, पार्टीको केन्द्रीय विभागमा मनोनयन, आगामी केन्द्रीय समिति बैठकको तयारी, र विविध विषयमा छलफल हुने बताए।

कास्की जिल्ला अदालतमा सभापति रवि लामिछानेविरुद्ध मुद्दा दर्ता भएपछि यो दोस्रोपटक सचिवालय बैठक बस्न लागेको हो ।

यसअघि बसेको बैठकले उपसभापति डिपी अर्याललाई कार्यवाहक सभापतिको जिम्मेवारी दिएको थियो ।