जनकपुरका समर्थकलाई कुटपिट गर्ने दुई जना पक्राउ

काठमाडौं । नेपाल प्रिमियर लिग (एनपीएल) टी–ट्वान्टी क्रिकेट प्रतियोगिताको फाइनल खेलपछि जनकपुर बोल्ट्सका समर्थकलाई कुटपिट गर्ने दुई जना युवकलाई प्रहरीले पक्राउ गरेको छ ।

गत शनिबार भएको फाइनल खेलमा जनकपुरले सुदूरपश्चिममाथि ५ विकेटको जित निकालेको थियो ।

प्रतियोगिताको फाइन खेलमा आक्रोसित भएका सुदूरपश्चिमका समर्थकहरुले जनकपुरका समर्थक सर्लाहीको बलरा घर भएका अमनकुमार सिंहलाई कुटपिट गरेका थिए ।

कुटपिटमा संलग्न डोटी घर भएका २१ वर्षिय अशोक साउद र १९ वर्षिय गणेश साउदलाई पक्राउ गरेको जिल्ला प्रहरी परिसर काठमाडौंले जानकारी दिएको छ ।

प्रहरीले घटनामा संलग्न अन्य व्यक्तिहरुको खोजी जारी रहेको बताएको छ ।