जनकपुरलाई फाइनल पुग्न कर्णालीले दियो ११९ रनको लक्ष्य

काठमाडौं । नेपाल प्रिमियर लिग (एनपीएल) टी–ट्वान्टी क्रिकेट अन्तर्गत दोस्रो क्वालिफायर खेलमा कर्णाली याक्सले जनकपुर बोल्ट्सलाई जितका लागि ११९ रनको लक्ष्य दिएको छ । त्रिवि क्रिकेट मैदानमा टस हारेर पहिले ब्याटिङ गरेको कर्णालीले निर्धारित २० ओभरमा ९ विकेट गुमाउँदै ११८ रन बनायो ।

कर्णालीका लागि गुलशन झाले सर्वाधिक २५ रन बनाए । त्यस्तै देव खनालले २४ रन बनाउँदा विलियम बोसिस्टोले १४ रनको योगदान गरे ।

जनकपुरका लागि ललित नारायण राजबंशी, मोहम्द मोसिन र जिम्मी निशमले २–२ विकेट लिए । त्यस्तै हर्श ठाकेर र शेर मल्लले १–१ विकेट लिए ।

आजको खेलमा जित निकाल्ने टोलीले फाइनलमा स्थान बनाउनेछ । पहिलो क्वालिफायर खेलमा जनकपुरलाई हराउँदै सुदूरपश्चिम फाइनलमा पुगि सकेको छ ।