सुदूरपश्चिमद्वारा जनकपुरलाई १२४ रनको लक्ष्य, चलेन सुदूरको ब्याटिङ

काठमाडौं । नेपाल प्रिमियर लिग (एनपीएल) क्रिकेटको महत्वपूर्ण खेलमा सुदूरपश्चिम रोयल्सले जनकपुर बोल्ट्सलाई १२४ रनको लक्ष्य दिएको छ ।

त्रिवि क्रिकेट मैदानमा टस हारेर पहिले ब्याटिङ गरेको सुदूरपश्चिमले निर्धातिर २० ओभरमा ९ विकेट गुमाउँदै १२३ रन बनायो ।

सुदूरपश्चिमका लागि विनोद भण्डारीले सर्वाधिक ३३ रनको योगदान गरे । त्यस्तै सेफ जाइबले २१ रन जोड । सुदूरपश्चिमका लागि इसान पाण्डेले १७ रन बनाए ।

जनपुरका लागि किशोर महतोले ४ विकेट लिए । त्यस्तै शेर मल्ल र अरनिको यादवले २–२ विकेट लिए ।

आजको खेलमा जित निकाल्दै जनकपुर प्लेआफमा पुग्ने योजनामा छ । जनकपुर प्लेअफमा पुग्ने पहिलो टोली हुनेछ ।

यता सुदूरपश्चिम पनि आजको खेलमा जित निकाल्दै अघिल्लो चरणको यात्रा सहज बनाउने लक्ष्यमा हुनेछ ।

लिगमा जनकपुरले ४ खेलबाट ८ अंक जोडेर शीर्ष स्थानमा छ । यता सुदूरपश्चिमको ४ खेलबाट ६ अंक छ । सुदूरपश्चिम अंक तालिकाको दोस्रो स्थानमा छ ।