च्याम्पियन्स लिगः रियल र लिभरपुलको जित

एजेन्सी । च्याम्पियन्स लिग फुटबलमा प्रिमियर लिग क्लब लिभरपुल र ला लिगा क्लब रियल मड्रिडले जित निकालेका छन् । मंगलबार राति भएको खेलमा लिभरपुलले जिरोनामाथि १–० गोलको जित निकालेको हो ।

जिरोनाको घरेलु मैदानमा भएको खेलमा लिभरपुललाई जित दिलाउन मोहम्मद सलाहले निर्णायक गोल गरे । उनले खेलको ६३औं मिनेटमा पेनाल्टी मार्फत गोल गर्दै टिमलाई जित दिलाएका हुन् ।

जितसँगै शीर्ष स्थानको लिभरपुलले ६ बेलबाट १८ अंक जोडेको छ । पराजित जिरोना ६ खेलबाट ३ अंक सहित तालिकाको ३० औं स्थानमा छ ।

मंगलबार राति नै भएको अर्काे खेलमा रियलले इटालियन क्लब एटलान्टामाथि जित निकालेको छ । रियलले एटलान्टलाई ३–२ गोल अन्तरले हराएको हो ।

रियललाई जित दिलाउन भिनिसियस जुनियर, केलियन एम्बाप्पे र बेलिङ्घमले एक–एक गोल गरे । जितसँगै रियल ६ खेलबाट ९ अंक जोडेर तालिकाको १८ औं स्थानमा छ । पराजित एटलान्टा ६ खेलबाट ९ अंक जोडेर तालिकाको नवौं स्थानमा छ ।