दाजु-भाइ मैदानमा उत्रदैँ, जनकपुरलाई प्ले अफमा पुग्ने मौका

काठमाडौं । नेपाली राष्ट्रिय क्रिकेट टोलीका खेलाडी आसिफ शेख र आरिफ शेख नेपाल प्रिमियर लिग (एनपीएल) मा फरक टोलीमा छन् ।

जनकपुरका मार्की खेलाडी आसिफ र सुदूरपश्चिमका खेलाडी आरिफको टोलीले आज बुधबार बिहान प्रतिस्पर्धा गर्दैछन् ।

प्रतियोगितामा दुबै टोली हालसम्म बलियो रुपमा प्रस्तुत भएका छन् । जनकपुर प्रतियोगितामा बलियो टोली हो । हालसम्म खेलेको ४ खेलमा जनकपुर अपराजित हुँदै ८ अंक जोडेर तालिकाको शीर्ष स्थानमा छ ।

यता चार खेलबाट ३ खेलमा जित निकाल्दै ६ अंकका साथ सुदूरपश्चिम दोस्रो स्थानमा छ । आजको खेलमा तिज निकाले जनपुर प्ले आफमा पुग्नेछ । यता सुदूरपश्चिम पनि आजको खेलमा जित निकाल्दै अघिल्लो चरणलाई सहज बनाउने योजनामा छ ।

त्रिवि क्रिकेट मैदानमा हुने खेल बिहान ९ बजे सुरु हुनेछ । त्यस्तै आज हुने दोस्रो खेलमा लुम्बिनी लायन्सले काठमाडौं गुर्खाजसँग खेल्दैछ । प्रतियोगिताको पाँच खेलमा एक मात्र जित निकालेको लुम्बिनी आजको खेलमा जित निकाल्ने लक्ष्यमा छ ।

लुम्बिनी ५ खेलमा १ जितसहित तालिकाको पाँचौं स्थानमा छ । यता काठमाडौं ३ खेलबाट १ जितसहित तालिकाको छटौं स्थानमा छ ।