कार्ल्सबर्ग ग्रुपले कार्ल्सबर्ग साउथ एसिया पिटिईमा रहेको ३३.३३ प्रतिशत सेयर किन्यो

काठमाडौं । कार्ल्सबर्ग ग्रुपले कार्ल्सबर्ग साउथ एसिया पिटिइ लिमिटेडमा बाँकी रहेको ३३.३३ प्रतिशत सेयर खरिद गरेको छ। साउथ एसिया पिटिइको कार्ल्सबर्ग इन्डिया प्रालिमा १०० प्रतिशत सेयर स्वामित्व रहेको छ ।

नेपालमा पनि साउथ एसिया पिटिइले गोर्खा ब्रुअरी प्रालिमा सेयर स्वामित्व धारण गरी व्यवसाय सञ्चालन गरिरहेको छ।

२०८१ साल साउन १८ गते  जारी गरिएको प्रेस वक्तब्यमा उल्लेख भए अनुसार कार्ल्सबर्ग ग्रुपले अब  भारतमा रहेको व्यवसायको शतप्रतिशत स्वामित्व ग्रहण गरेको छ भने साउथ एसिया पिटिइमार्फत गोर्खा ब्रुअरीमा ९९.९४ प्रतिशत सेयर स्वामित्व कायम गरेको छ ।