माओवादीबाट कांग्रेसले खोस्यो कुशे-७

जाजरकोट । जाजरकोटको कुशे गाउँपालिका वडा नम्बर ७ मा कांग्रेस विजयी भएको छ । कांग्रेस उम्मेदवार खम्बबहादुर सिंह १५ मतले विजयी भएका हुन् ।

माओवादी केन्द्रका गोरखबहादुर घर्तीलाई पराजित गर्दै सिंह विजयी भएको मुख्य निर्वाचन अधिकृतको कार्यालयले जनाएको छ।

कांग्रेस उम्मेदवार सिंहले ३ सय ४७ मत प्राप्त गर्दा उनका निकटतम प्रतिद्वन्द्वी नेकपा माओवादी केन्द्रका घर्तीले ३ सय ३२ मत प्राप्त गरे । १ हजार ३ सय २ मतदाता रहेको वडामा ९ सय ५६ मत खसेको थियो ।

एमालेका गोरखबहादुर नेपालीले २५२ मत पाउँदा राष्ट्रिय प्रजातन्त्र पार्टीका लालबहादुर खत्रीले ७ मत प्राप्त गरे ।

यो वडा यसअघिको निर्वाचनमा माओवादी केन्द्रले जितेको थियो । वडाअध्यक्ष मुनबहादुर घर्तीको निधन भएपछि रिक्त रहेको वडाध्यक्ष पदमा उपनिर्वाचन भएको हो ।