सेयर बजारमा हरियाली, तीन कम्पनीमा सकारात्मक सर्किट

काठमाडौं । कारोबारमा सुरुदेखि नै आएको सुधार तथा उतार चढाबकाबिच सेयर बजारमा हरियाली छाएको छ ।

बजार मापन गर्ने सूचक ३३.४१ अंकले बढेर परिसूचक २७१६.६६ बिन्दु कायम भएको छ । ३१२ कम्पनीको १ करोड ४२ लाख ९२ हजार ७४२ कित्ता सेयर ७ अर्ब ४४ करोड ९८ लाख ९८ हजार ९८७ रुपैयाँ सेयर किनबेच भएको छ ।

कारोबारमा २११ कम्पनीको सेयर मूल्य बढेको छ भने ३२ कम्पनीको घटेको छ । कारोबारमा सबै समूहको उपसूचक बढेको छ । जलविद्युतमा लगानीकर्ताको आकर्षण देखिएको छ ।

यो दिन तीन कम्पनीको सेयर मूल्यमा सकारात्मक सर्किट लागेको छ । यस्तै थ्रि स्टार हाइड्रोपावर कम्पनीको सेयर मूल्यमा सकारात्मक सर्किट लागेको छ ।