ट्रम्पका लागि मञ्च तयार, पेन्सिलवेनियामा जीतसँगै फ्लोरिडामा भेला भए पूर्वराष्ट्रपतिका समर्थक

एजेन्सी । अमेरिकाको ७ राज्यमध्ये तीन स्विङ स्टेटमा जीतपछि रिपब्लिकन पार्टीका उम्मेदवार र पूर्वअमेरिकी राष्ट्रपति डोनाल्ड ट्रम्पले सम्बोधन गर्ने तयारी गरेका छन् ।

फ्लोरिडामा ट्रम्पले सम्बोधन गर्ने खबरपछि त्यहाँ उनका समर्थक भेला भएका छन् ।
ट्रम्प फ्लोरिडाको आफ्नो चुनावी क्याम्पेनको मुख्यालयमा आउने समाचारहरुमा जनाइएको छ ।

ट्रम्पका लागि मञ्च तयार गरिएको छ । उनका साथ उपराष्ट्रपति पदका उम्मेदवार जेडी वेन्स पनि आउने सम्भावना रहेको बताइएको छ ।

यसका साथ अमेरिकाको कयौं हिस्सामा उनका समर्थकको तस्बिर सार्वजनिक भएको छ जहाँ उनीहरुले खुसीयाली मनाइरहेका छन् ।

केही समर्थकले एमएजीए (मेक अमेरिका ग्रेट अगेन- ट्रम्पको चुनावी अभियानवाला नारा) लेखिएको टोपी लगाएर उपस्थित भएका छन् । केही भने अमेरिकी झण्ड बेरेर उपस्थित भएका छन् ।

ट्रम्पलाई जितका लागि अब ४ भोट मात्र आवश्यक भएको सीएनएनले जनाएको छ ।