नीति र नेतृत्वमा एमालेभित्र विवाद छैन : ओली

काठमाडौं । नेपाल (एमाले) का अध्यक्ष केपी शर्मा ओलीले नीति र नेतृत्वमा पार्टीभित्र कुनै विवाद नभएकाले वैचारिक र भावनात्मक एकतासहित बलियो राष्ट्रिय शक्ति बनाउने अभियानमा लाग्न कार्यकर्तालाई आग्रह गरेका छन् ।

शनिबारदेखि सुरु भएको एमालेको राष्ट्रिय महाधिवेशन प्रतिनिधि परिषद्को बैठकमा राजनीतिक प्रतिवेदन प्रस्तुत गर्दै उनले समाजवाद निर्माणको लक्ष्य पूरा गर्न एमाले बलियो शक्ति हुनु आवश्यक छ भने । ललितपुरको गोदावरीस्थित सनईराज हलमा सुरु भएको महाधिवेशन प्रतिनिधि परिषद् बैठकमा अध्यक्ष ओलीले राजनीतिक प्रतिवेदन पेस गरेका छन् ।

अध्यक्ष ओलीले भने, ‘गत महाधिवेशनयताका २९ महिनामा पार्टीले उत्पन्न जटिल अवस्थाको कुशलतापूर्वक सामना गरी हालको सहज परिस्थितिमा रहेको हो ।’ अध्यक्ष ओलीको प्रस्तुति जारी रहेको छ ।