प्रधानमन्त्री दाहालसँग भारतीय विदेशमन्त्रीको शिष्टाचार भेट

काठमाडौं । प्रधानमन्त्री पुष्पकमल दाहालसँग भारतका विदेशमन्त्री डा एस जयशंकरले शिष्टाचार भेटवार्ता गरेका छन् ।

बिहीबार बिहान काठमाडौं आइपुगेका भारतीय विदेशमन्त्री एस जयशंकर सिंहदरबार पुगेर प्रधानमन्त्री दाहालसँग भेटवार्ता गरेका हुन् ।

नेपाल-भारत परराष्ट्रमन्त्रीस्तरीय संयुक्त आयोगको बैठकमा सहभागी हुन जयशंकर आज बिहान काठमाडौं आइपुगेका हुन् ।

जयशंकरले आजै राष्ट्रपति रामचन्द्र पौडेलसँग भेटवार्ता गरिसकेका छन् भने एमाले अध्यक्ष केपी शर्मा ओलीसँग भेटवार्ता गर्ने कार्यक्रम छ ।