विप्लवसहितका नेताहरुविरुद्ध किन जारी भयो पक्राउ पुर्जी ?

काठमाडौं । नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ लगायत पार्टीका शीर्ष नेताहरू विरुद्ध प्रकाउ पुर्जी जारी भएको छ ।

जिल्ला अदालत काठमाडौंले ३५ दिनको समय दिएर उनीहरुलाई पक्राउ पुर्जी जारी भएको हो ।

राज्यविरुद्धको कसुर सम्बन्धीको मुद्दामा उनीहरुमाथि पक्राउ पुर्जी जारी गरेको हो ।

अदालतले नेकपा माहासचिव चन्दसहित उनका पार्टीका उपत्यका विशेष ब्युरो इञ्चार्ज माइला लामा, पोलिटब्युरो सदस्य खड्गबहादुर विश्वकर्मा र अखिल नेपाल किसान महासंघ क्रान्तिकारीका अध्यक्ष राजु कार्की विरुद्ध ३५ दिने पक्राउ पुर्जी जारी भएको सूचना सार्वजनिक गरेको हो ।

उनीहरूविरुद्ध जिल्ला अदालत काठमाडौंमा २०७६ असोज ९ गते राज्यविरुद्धको कसुर मुद्दा दायर भएको थियो । २०८० साल मंसिर १० गतेको आदेश अनुसार ३५ दिनको पक्राउ पुर्जी जारी गरिएको अदालतको सूचनामा उल्लेख छ ।

विप्लवको नेकपा पुष्पकमल दाहाल प्रचण्ड नेतृत्वको नेकपा समाजवादी मोर्चामा आवद्ध छ । जुन मोर्चामा नेकपा माओवादी केन्द्रका साथै नेकपा एकीकृत समाजवादी र जनता समाजवादी पार्टीसमेत आवद्ध छ ।