नेपालगञ्जमा अवतरण हुन नसकेपछि काठमाडौं फर्कियो बुध्दको विमान

काठमाडौं । काठमाडौंबाट नेपालगञ्जका लागि उडेको बुध्द एअरको विमान नेपालगञ्ज विमानस्थलमा अवतरण हुन नसकेपछि पुन: त्रिभुवन अन्तर्राष्ट्रिय विमानस्थल फर्किएको छ ।

त्रिभुवन विमानस्थल कार्यालका अनुसार बुधबार बिहान नेपालगञ्जका लागि उडेको विमान अवतरण हुन नसकेपछि ९ बजे काठमाडौं फर्किएको हो ।

‘विहान नेपालगञ्ज विमानस्थल खुलेपछि गएको बुध्दको विमान त्यहाँ पुग्दा मौसममा समस्या भएपछि बन्द हुन पुग्यो । त्यसपछि विमान फेरि काठमाडौं फर्किएको हो’ स्रोतले भन्यो ।

नेपालगञ्ज विमानस्थलको मौसम खुलेपछि सोही विमान पुन नेपालगञ्ज गइसकेको छ ।