उपचारका लागि पत्नीसहित सिंगापुर गए देउवा

काठमाडौं । नेपाली कांग्रेसका सभापति शेरबहादुर देउवा श्रीमती आरजु राणासहित सिंगापुर प्रस्थान गरेका छन् ।पूर्वप्रधानमन्त्रीसमेत रहेका देउवा स्वास्थ्य उपचारका लागि सिंगापुर गएका हुन् ।

देउवा श्रीमती आरजु सहित गएराति सिंगापुर प्रस्थान गरेका हुन् । देउवा नियमित स्वास्थ्य परीक्षणका लागि सिंगापुर गएका हुन्।

सभापति देउवाले आफू स्वदेश नफर्किउन्जेलसम्मका लागि उपसभापति पूर्णबहादुर खड्कालाई पार्टीको कार्यवाहक सभापतिको जिम्मेवारी दिएका छन् ।

मुख्यसचिव कृष्णप्रसाद पौडेलले सभापति देउवाले पार्टी विधानको धारा २५ को उपधारा (१३) बमोजिम स्वदेश नफर्कुञ्जेलसम्मका लागि खड्कालाई कार्यवाहक सभापतिको जिम्मेवारी दिएका हुन् ।