स्वास्थ्य व्यवसायमा विराट मेडिकल कलेज आक्रामक, १ अर्बको लागतमा क्यान्सर इन्स्टिच्युट सञ्चालनमा
विराटनगर । स्वास्थ्य व्यवसायमा विराट मेडिकल कलेज आक्रामक बन्दै गएको छ । विराटले १ अर्बको लागतमा क्यान्सर इन्स्टिच्युट सञ्चालनमा ल्याएको छ ।
मोरङको बूढीगंगा गाउँपालिका–२ टङ्कीसिनवारीमा विराट क्यान्सर इन्स्टिच्युट सञ्चालनमा ल्याएको हो । क्यान्सर रोगको उपचार गर्न अस्पताल परिसरभित्रै विराट क्यान्सर इन्स्टिच्युट सञ्चालनमा ल्याइएको हो ।
अस्पतालका अध्यक्ष डा. ज्ञानेन्द्रमान सिंह कार्कीले क्यान्सरको सम्पूर्ण उपचार गर्ने उद्देश्यले १ सय शय्याको इन्स्टिच्युट सञ्चालनमा ल्याएको बताए । उनले कम खर्चमा क्यान्सरको सम्पूर्ण उपचार हुने दाबी गरे ।
आधुनिक प्रविधिको रेडिएसन पद्धतिद्वारा क्यान्सर रोगको उपचार विधि सुरु गरिएको हो । कोशी प्रदेशसहित भारतको विहार र पश्चिम बंगालका बिरामीलाई लक्षित गरी इन्स्टिच्युड सञ्चालनमा ल्याइएको हो ।