ग्लोकल टिन हिरो २०२२ मा डिशहोमको पार्टरसिप

काठमाडौं । ग्लोकल टिन हिरो नेपालको आठौं संस्करणमा डिशहोमले पार्टनरसिप गरेको छ ।

नेपाल भरका किशोरकिशोरीहरुले समाजमा गरेको प्रभावकारी कार्यलाई कदर गर्दै र उनीहरुको प्रतिभा र उत्साहलाई प्रेरित गर्न कार्यक्रम आयोजना हुने गरेको छ ।

नेपाल भरबाट विभिन्न विधाबाट सहभागी ६ सय ४८ किशोरकिशोरीहरुले आवेदन दिएका मध्ये ६ जना प्रतिस्पर्धी ग्लोकल टिन हिरो २०२२ को फाइनलमा पुगेका छन् । सेप्टेम्बर १, २०२२ सोल्टी होटलमा हुने सम्मेलन र अवार्ड कार्यक्रम मार्फत ग्लोकल टिन हिरो २०२२ नेपाल बिजेताको नाम घोषणा गरिनेछ ।

वाईवाई ग्लोकल टिन हिरोका अन्तिम ६ प्रतिस्पर्धीमा आशिष शाह, धनुषा-शिक्षा प्राविधिक, विमर्ष पौडेल, चितवन-चलचित्र निर्माता, दर्शना रिजाल, मोरङ- महिला अधिकारकर्मी, निश्चल सिंह विष्ट, अछाम-इकोप्रेनेउर, राहुल रञ्जन शाह, धनुषा-खगोल विज्ञान प्रेमी, सृजना गौतम, मोरङ- सामाजिक कार्यकता रहेका छन् ।