तरलता अभावको समयमा बैंकहरूको नाफा २३.१४% ले बढ्यो
काठमाडौं । गत आर्थिक वर्ष २०७८/७९ मा लगानीयोग्य रकम (लगानीयोग्य रकम) तरलता अभाव भएको समयमा पनि वाणिज्य बैंकहरूको नाफामा सुधार देखिएको छ । तरलता अभावका बाबजुत पनि बैंकहरुको नाफामा २३.१४ प्रतिशतको वृद्धि देखिएको छ ।
अघिल्लो असार मसान्तमा ६० अर्ब ७४ करोड ३८ लाख २ हजार रुपैयाँ नाफा आर्जन गरेकोमाबैंकहरुले यो वर्ष असार मसान्तमा आइपुग्दा ७४ अर्ब ८० करोड १४ लाख ३३ हजार रुपैयाँ रहेको गरेका छन् ।
२६ वटा वाणिज्य बैंकको नाफा औसतमा २३.१४ प्रतिशतले बढेको हो । २६ मध्ये ३ वटा बैंकको नाफा भने घटेको छ ।
कोरोना महामारी न्यून भएपछि गत आवको शुरुमै वाणिज्य बैंकहरु कर्जा लगानीमा निकै आक्रामक बनेका थिए । त्यो क्रम धेरै लामो समय टिक्न सकेन । कोरोना महामारीपछि उद्योग व्यवसाय खुल्दा गत आवको शुरुको ३ महिना बैंकहरुले आक्रमकरुपमा कर्जा विस्तार गरेका थिए ।
प्रकाशित वित्तीय विवरण अनुसार सबैभन्दा बढी नाफा सरकारी स्वामित्वको राष्ट्रिय वाणिज्य बैंकले आर्जन गरेको छ । नाफा आर्जनमा राष्ट्रिय वाणिज्य बैंक र ग्लोबल आइएमई बैंक प्रतिस्पर्धी देखिएका छन् । राष्ट्रिय वाणिज्य बैंकले ५ अर्ब २१ करोड ४२ लाख ४७ हजार नाफा आर्जन गरेको छ । अघिल्लो आवको सोही अवधिमा बैंकको नाफा ३ अर्ब ७९ करोड ५४ लाख ७७ हजार रुपैयाँ रहेको थियो ।
दोस्रो स्थानमा रहेको ग्लोबल आइएमई बैंकले असार समान्तसम्म ५ अर्ब २० करोड ६४ लाख ५५ हजार रुपैयाँ नाफा आर्जन गरेको छ । अघिल्लो आवको सोही अवधिको तुलनामा बैंकको नाफा २५ प्रतिशतले बढेको छ । अघिल्लो आवको सोही अवधिमा बैंकको नाफा ४ अर्ब १६ करोड ५१ लाख ५२ हजार रुपैयाँ रहेको थियो ।
धेरै नाफा कमाउने बैंकमा नबिल तेस्रो स्थानमा रहेको छ । बैंकले गत असार मसान्तसम्म ४ अर्ब ९७ करोड २७ लाख ५६ हजार रुपैयाँ नाफा आर्जन गरेको छ । जुन अघिल्लो आवको तुलनामा ९.८३ प्रतिशतले बढी हो ।
यस्तै धेरै नाफा कमाउने बैंकमा एनआइसी एशिया पनि रहेको छ । बैंकले असार मसान्तसम्ममा ४ अर्ब ५२ करोड ५४ लाख २२ हजार रुपैयाँ नाफा कमाएको छ । अघिल्लो आवको सोही अवधिको तुलनामा ३८.८६ प्रतिशतले बढेको छ ।
यस्तै नेपाल इन्भेष्टमेन्ट बैंकले गत असार मसान्तसम्म ४ अर्ब ८ करोड ६३ लाख ८४ हजार रुपैयाँ पुगेको छ । अघिल्लो आवको सोही अवधिमा ३ अर्ब ५५ करोड ८६ लाख ६ हजार रुपैयाँ रहेको थियो । एक वर्षको अवधिमा बैंकको नाफा १४.८३ प्रतिशतले बढेको छ ।
यस्तै प्राइम बैंकले गत आवमा ३ अर्ब ६८ करोड १२ लाख ३२ हजार रुपैयाँ नाफा आर्जन गरेको छ । जुन अघिल्लो आवको सोही अवधिको तुलनामा १२.६३ प्रतिशतले बढी हो । अघिल्लो आवको सोही अवधिमा बैंकको नाफा ३ अर्ब २६ करोड ८४ लाख रुपैयाँ रहेको थियो ।
एनएमबि बैंकको पनि नाफा ३६.५२ प्रतिशतले बढेर ३ अर्ब ७० करोड १३ लाख ७१ हजार रुपैयाँ पुगेको छ । जुन अघिल्लो आवको सोही अवधिमा २ अर्ब ७१ करोड १० लाख ७४ हजार रुपैयाँ रहेको थियो ।
यता सिद्धार्थ बैंकको नाफा गत अघिल्लो आवको तुलनामा १२.७८ प्रतिशतले बढेर ३ अर्ब २१ करोड ९७ लाख ४१ हजार रुपैयाँ पुगेको छ । अघिल्लो आवको सोही अवधिमा २ अर्ब ८५ करोड ४८ लाख २८ हजार रुपैयाँ रहेको थियो ।
यस्तै प्रभु बैंकले २ अर्ब ६० करोड ३ लाख ९६ हजार रुपैयाँ नाफा आर्जन गरेको छ । जुन अघिल्लो आवको सोही अवधिको तुलनामा ५१.१० प्रतिशतले बढेको छ ।
सिटिजन्स बैंकले गत आवमा २ अर्ब २५ करोड ११ लाख ७१ हजार रुपैयाँ नाफा आर्जन गरेको छ । जुन अघिल्लो आवको सोही अवधिको तुलनामा २४.७६ प्रतिशतले बढेको छ ।
माछापुच्छ्रे बैंकले गत आवमा २ अर्ब १६ करोड ९ लाख रुपैयाँ नाफा आर्जन गरेको छ । जुन अघिल्लो आवको सोही अवधिको तुलनामा ३४.४२ प्रतिशतले बढेको छ ।
यस्तै सनराइज बैंकको नाफा ४८.६९ प्रतिशतले बढेर २ अर्ब १५ करोड ९ लाख ४४ हजार रुपैयाँ पुगेको छ ।
लक्ष्मी बैंकको नाफा भने थोरै अंकले बढेको छ । एक वर्षको अवधिमा बैंकको नाफा १.७६ प्रतिशतले बढेर १ अर्ब ६० करोड ३५ लाख ७१ हजार रुपैयाँ पुगेको छ ।
एनसीसी बैंकको नाफा पनि एक वर्षको अवधिमा ५१.९७ प्रतिशतले बढेर २ अर्ब २ करोड २२ लाख २२ हजार रहेको छ । अघिल्लो आवको सोही अवधिमा १ अर्ब ३३ करोड ६ लाख २५ हजार रुपैयाँ रहेको थियो । बैंकले एक वर्षको अवधिमा नाफा आर्जनमा आक्रामक चमत्कार गरेको छ ।
स्टयान्डर्ड चार्टर्ड बैंकको नाफा पनि ६२.२६ प्रतिशतले बढेर २ अर्ब २६ करोड ९८ लाख ५५ हजार रुपैयाँ पुगेको छ । जुन अघिल्लो आवको सोही अवधिमा १ अर्ब ३९ करोड ८८ लाख ५३ हजार रुपैयाँ रहेको थियो ।
एभरेष्ट बैंकको नाफामा पनि उल्लेख्य सुधार देखिएको छ । एक वर्षको अवधिमा बैंकको नाफा ४३.७६ प्रतिशतले बढेर २ अर्ब ५४ करोड ६० लाख ५९ हजार रुपैयाँ पुगेको छ । अघिल्लो आवको सोही अवधिमा बैंकको नाफा १ अर्ब ७७ करोड ९ लाख ३९ हजार रुपैयाँ रहेको थियो ।
यस्तै कुमारी बैंकको नाफामा पनि गत वर्ष निकै प्रगति देखिएको छ । एक वर्षमा बैंकको नाफा ४३.८६ प्रतिशतले बढेर २ अर्ब ८३ करोड ५२ लाख ३४ हजार रुपैयाँ पुगेको छ ।
नेपाल एसबीआई बैंकको पनि नाफा ७० प्रतिशतले बढेर १ अर्ब ६३ करोड ८२ लाख ८४ हजार रुपैयाँ पुगेको छ । जुन अघिल्लो आवको सोही अवधिमा ९६ करोड ३४ लाख ७९ हजार रुपैयाँ रहेको थियो ।
नेपाल बैंकको नाफा एक वर्षको अवधिमा १०.२९ प्रतिशतले बढेर ३ अर्ब २६ करोड ६० लाख ८५ हजार रुपैयाँ पुगेको छ । अघिल्लो आवको सोही अवधिमा २ अर्ब ९६ करोड १२ लाख ३० हजार रुपैयाँ रहेको थियो ।
बैंक अफ काठमाण्डूको पनि नाफा ४.८५ प्रतिशतले बढेर १ अर्ब ८१ करोड २ लाख ७६ हजार रुपैयाँ पुगेको छ । जुन अघिल्लो आवको सोही अवधिमा १ अर्ब ७२ करोड ६४ लाख ९ हजार रुपैयाँ रहेको थियो । मेगा बैंकको पनि नाफा २१.७७ प्रतिशतले बढेर २ अर्ब ८३ करोड १८ लाख ६४ हजार पुगेको छ । जुन अघिल्लो आवको सोही अवधिमा २ अर्ब ३२ करोड ५४ लाख २९ हजार रुपैयाँ रहेको थियो ।
दुई वटा बैंक पहिलो पटक अर्ब क्लबमा प्रवेश
दुई वटा वाणिज्य बैंक नाफा आर्जनको हिसाबले पहिलो पटक अर्ब क्लबमा प्रवेश गरेका हुन् । सिभिल र सेञ्चुरी बाहेक सबै बैंक अर्ब क्लबमा रहेका थिए । गत असार मसान्तको वित्तीय विवरण अनुसार यी दुई बैंक पनि नाफा आर्जनमा अर्ब क्लबमा प्रवेश गरेका छन् । सिभिल बैंकको नाफा असार मसान्तसम्म आइपुग्दा १ अर्ब ३८ करोड ४६ लाख ८५ हजार रुपैयाँ रहेको छ । जुन अघिल्लो आवको सोही अवधिमा ५२ करोड ७७ लाख ८४ हजार रुपैयाँ रहेको थियो । सिभिल बैंक हिमालयन बैंकसँग मर्जरमा जान लागेको छ ।
यस्तै सेञ्चुरी बैंकको नाफा पनि ११५ प्रतिशतले बढेर १ अर्ब ३५ करोड ७२ लाख ३१ हजार रुपैयाँ पुगेको छ । जुन अघिल्लो आवको सोही अवधिमा ६२ करोड ९३ लाख २० हजार रुपैयाँ रहेको थियो ।
तीन वटा बैंकको नाफा घट्यो
वित्तीय विवरण प्रकाशित गरेका बैंकमध्ये ३ वटाको नाफा घटेको छ । नाफा घटेनमा सानिमा, हिमालयन र कृषि विकास बैंक रहेको छ ।
सानिमा बैंकको नाफा एक वर्षको अवधिमा १.०७ प्रतिशतले घटेर २ अर्ब २९ करोड २९ लाख ९ हजार रुपैयाँ रहेको छ ।
यस्तै हिमालयन बैंकको नाफा १७.२२ प्रतिशतले घटेर २ अर्ब ४८ करोड २१ लाख ३६ हजार रुपैयाँ रहेको छ । अघिल्लो आवको सोही अवधिमा बैंकको नाफा ३ अर्ब ५२ करोड७५ लाख ३५ हजार रुपैयाँ रहेको थियो ।
यस्तै कृषि विकास बैंकको पनि नाफा २३.७४ प्रतिशतले घटेको छ । बैंकको नाफा अघिल्लो असार मसान्तमा ३ अर्ब ५२ करोड ७५ लाख ३६ हजार रुपैयाँ रहेकोमा गत असार मसान्तमा आइपुग्दा २ अर्ब ६९ करोड ५७ हजार रुपैयाँ मात्रै रहेको छ ।
| Bank | 4th Quarter 2078/079 (000) | 4th Quarter 2077/078 (000) |
| Nic asia bank | 4,525,422 | 3,258,934 |
| Global ime bank | 5,206,455 | 4,165,152 |
| Prabhu | 2,600,396 | 1,720,875 |
| Sunrise | 2,150,944 | 1,446,550 |
| machhapuchhre | 2,160,900 | 1,607,473 |
| Sanima | 2,292,909 | 2,317,821 |
| Laxmi | 1,603,571 | 1,575,761 |
| Citizen bank | 2,251,171 | 1,804,341 |
| NCC | 2,022,222 | 1,330,625 |
| Investment | 4,086,384 | 3,558,606 |
| Standard Chartered | 2,269,855 | 1,398,853 |
| Everest bank | 2,546,059 | 1,770,939 |
| Himalayan | 2,482,136 | 2,998,623 |
| Kumari | 2,835,234 | 1,970,730 |
| Prime | 3,681,232 | 3,268,400 |
| Siddhartha | 3,219,741 | 2,854,828 |
| SBI bank | 1,638,284 | 963,479 |
| NMB bank | 3,701,317 | 2,711,074 |
| Agriculture | 2,690,057 | 3,527,536 |
| RBB | 5,214,247 | 3,795,477 |
| Nabil | 4,972,756 | 4,527,553 |
| Nepal | 3,266,085 | 2,961,230 |
| Mega | 2,831,864 | 2,325,429 |
| Century Commercial | 1,357,231 | 629,320 |
| Civil | 1,384,685 | 527,784 |
| Bank of kathmandu | 1,810,276 | 1,726,409 |
सोभित थपलिया
