भन्सार एजेण्टको नतिजा प्रकाशित, ८६० जना उत्तीर्ण
6.8k
Shares
काठमाडौं । भन्सार विभागले गत वैशाख १६ गते सञ्चालन गरेको भन्सार एजेण्टको लिखित परीक्षाको परीक्षाफल प्रकाशित गरेको छ ।
लोकसेवा आयोगसँगको सहकार्यमा सञ्चालन गरिएको परीक्षामा ८६० जना लिखित परीक्षामा उत्तीर्ण भएका छन् ।
अब लिखित परीक्षामा उत्तीर्ण भएका परीक्षार्थीहरुको आगामी असार ५ गतेदेखि लोकसेवा आयोगसँगको सहकार्यका अन्तर्वार्ता हुनेछ ।
विभागले भन्सार ऐन बमोजिम ६६० जना एजेण्ट थप गर्न भन्दै २०७७ चैत १६ गते सूचना प्रकाशित गरेको थियो ।
शुरुमा कोरोना महामारी र पछि उच्च अदालतको आदेशले परिक्षा सञ्चालन हुन सकेको थिएन् ।
अब लिखित परीक्षाको नतिजा प्रकाशित भएसँगै एजेण्ट थप गर्ने प्रक्रिया सम्पन्न हुन लागेको छ ।
क्लिकमान्डु
