४४ सार्वजनिक संस्थानमध्ये २२ नाफामा १९ घाटामा

काठमाडौं । आर्थिक वर्ष २०७७/७८ मा सञ्चालनमा रहेको ४४ वटा सार्वजनिक संस्थानमध्ये २२ वटा मात्रै नाफामा रहेका छन् । अर्थमन्त्रालयका अनुसार बाँकी १९ वटा सार्वजनिक संस्थान घाटामा छन् ।

नाफामा सञ्चालन भएका संस्थानहरुबाट आव २०७७/७८ मा सरकारले ६ अर्ब ७२ करोड १४ लाख रुपैयाँ लाभांश प्राप्त गरेको छ । जबकी आव २०७६/७७ मा यस्तो नाफा १४ अर्ब ९ करोड ९५ लाख रुपैयाँ थियो । जुन ५२.३३ प्रतिशतले कमी हो ।

आव २०७७/७८ मा सार्वजनिक संस्थानको कुल सञ्चालन आयमा १.५१ प्रतिशतले वृद्धि भई ४ खर्ब ३५ अर्ब १७ करोड ३९ लाख रुपैयाँ पुगेको छ ।

आव २०७७/७८ मा कुल ग्राहस्थ उत्पादन र कुल सञ्चालन आयको अनुपात १०.१७ प्रतिशत छ । उक्त आवमा सार्वजनिक संस्थानबाट प्राप्त भएको १४ अर्ब ८२ करोड ९ लाख रुपैयाँ आयकर प्राप्त भएको छ ।

उक्त आवमा संकलन भएको संघीय सरकारको कुल आयकरमा सार्वजनिक संस्थानबाट संकलित आयकरको योगदान ६.४९ प्रतिशत छ । आव २०७६/७७ मा यस्तो योगदान ८.८२ प्रतिशत थियो ।