अब सहकारी संस्थाले पनि एटिएम कार्ड जारी गर्ने

काठमाडौं । सहकारी संस्थाहरुले ‘कोप कार्ड’ ब्राण्डमा एटिएम कार्ड जारी गर्न पाउने भएका छन् ।

राष्ट्रिय सहकारी बैंकले ग्लोबल आइएमई बैंक र स्मार्ट च्वाइस टेक्नोलोजी (एससीटी)सँगको सहकार्यमा ‘कोप कार्ड’ नामक एटिएम सेवा सुरु गरेको छ ।

आइतबार सहकारी उक्त सेवाको लागि सम्झौता भएको छ । सम्झौतामा एसटिसीका प्रमुख कार्यकारी अधिकृत (सीइओ) नारायण प्रकाश धुजु, सहकारी बैंकको सीइओ बद्रि कुमार गुरागाई र ग्लोबल आइएमई बैंकको सीइओ रत्न राज बज्राचार्यले सम्झौता पत्रमा हस्ताक्षर गरेका छन् ।

२९ हजार बढी सहकारी संस्थाहरुमध्ये सहकारी बैंकमा १४ हजार सहकारी संस्थाहरु आबद्ध रहेका छन् । ति सहकारी संस्थाहरुले कार्ड जारी गर्न सक्नेछन् ।

यो कार्य नेपाल र भारतका सबै एटिएममा प्रयोग गर्न सकिने छ । बैंकले डिजिटल बैंकिङ रणनीति अनुसार कार्य जारी गरेको जनाएको छ ।