हिमालयन रिको नाफा ४ करोड ७६ लाख

काठमाडौं । हिमालयन रि इन्स्योरेन्सले चालु आवको पहिलो त्रैमासको वित्तीय विवरण सार्वजनिक गरेको छ ।

वित्तीय विवरणअनुसार यस अवधिमा कम्पनीले ४ करोड ७६ लाख ८० हजार रुपैयाँ खुद नाफा कमाएको छ ।

कम्पनीले यस अवधिमा ८ करोड ८ लाख रुपैयाँ खुद बीमाशुल्क संकलन गरेको छ ।

तीन महिनाको अवधिमा हिमालयन रिले लगानी, कर्जा तथा अन्य आयबाट १० लाख १८ हजार रुपैयाँ आम्दानी गरेको छ ।

यस अवधिमा कम्पनीले एक करोड ७ लाख १३ हजार रुपैयाँ खुद दावी भुक्तानी गरेको छ ।

कम्पनीले व्यवस्थापन शिर्षकमा ३ करोड २२ लाख ३६ हजार रुपैयाँ खर्च गरेको छ ।

यस्तै, कम्पनीले पुनर्बीमा कमिशन खर्च शिर्षकमा एक करोड ५२ लाख रुपेयाँ, सेवा शुल्क शीर्षकमा ८ लाख ८ हजार रुपैयाँ खर्चेको छ ।
चुक्ता पूँजी ७ अर्ब रुपैयाँ रहेको कम्पनीको जगेडा कोषमा ५ करोड १८ लाख रुपैयाँ जम्मा भएको छ ।

हिमालयन रि नेपालको निजी क्षेत्रको पहिलो पुनर्बीमा कम्पनी हो । नियामक निकाय बीमा समितिले हिमालयन रिलाई गत जेठ महिनामा लाइसेन्स दिएको थियो ।