राष्ट्रिय बीमा कम्पनीको नाफा ४३.५७ % ले घट्यो

काठमाडौं । राष्ट्रिय बीमा संस्थानले गत आव २०७७/७८ मा ३६ करोड ३ लाख रुपैयाँ नाफा आर्जन गरेको छ । अघिल्लो आर्थिक वर्षमा कम्पनीको नाफा ६३ करोड ८५ लाख रुपैयाँ रहेको थियो ।

कम्पनीले आवमा १ अर्ब ६३ करोड ६० लाख रुपैयाँ कुल बीमाशुल्क आर्जन गरेको छ जुन अघिल्लो आवको तुलनामा २६.८ प्रतिशतले बढी हो । अघिल्लो आर्थिक वर्ष कम्पनीको कुल बीमाशुल्क आर्जन १ अर्ब २८ करोड ९२ लाख रुपैयाँ रहेको थियो ।

कम्पनीको आवमा २६ करोड ६६ लाख रुपैयाँ चुक्ता पुँजी रहेको छ ।

कम्पनीको जगेडा कोषमा ३४ करोड २१ लाख रुपैयाँ जुन अघिल्लो आवको तुलनामा ६ प्रतिशतले बढी हो । अघिल्लो आर्थिक वर्ष कम्पनीको जगेडा कोषमा २ अर्ब ९६ करोड ८३ लाख रुपैयाँ रहेको थियो ।

कम्पनीको गत आवमा बीमा कोषमा ३२ अर्ब ९३ करोड ६१ लाख रुपैयाँ रहेको छ जुन अघिल्लो आवको तुलनामा ८ प्रतिशतले बढी हो । अघिल्लो आर्थिक वर्ष कम्पनीको बीमा कोषमा २ अर्ब २५ करोड रुपैयाँ रहेको थियो ।

यसैगरी, कम्पनीले गत आवमा लगानी, कर्जा तथा अन्य क्षेत्रमा लगानी गरी १४ करोड ६ लाख रुपैयाँ आम्दानी गरेको छ जुन अघिल्लो आवको तुलनामा ३७.६५ प्रतिशतले कम हो । अघिल्लो आर्थिक वर्ष कम्पनीले लगानी कर्जा तथा अन्य क्षेत्रमा लगानी गरी २५ करोड ५५ लाख रुपैयाँ आम्दानी गरेको थियो ।

साथै, कम्पनीले ३ अर्ब १९ करोड ८७ लाख रुपैयाँ कुल दावी भुक्तानी गरेको छ । यो अघिल्लो आवको तुलनामा ५८ प्रतिशतले बढी हो । अघिल्लो आर्थिक वर्ष कम्पनीले जम्मा ९ करोड ६० लाख रुपैयाँ कुल दावी भुक्तानी गरेको थियो ।

यसैगरी, कम्पनीले अभिकर्ता कमिसन वापत ७५ लाख रुपैयाँ खर्च गरेको छ ।

साथै, कम्पनीको प्रतिसेयर आम्दानी (वार्षिक) १३५ रुपैयाँ १४ पैसा, प्रतिसेयर नेटवर्थ १२८० रुपैयाँ ८१ पैसा, पिई रेसियो १५९.८४ गुणा, प्रतिसेयर कुल सम्पत्ति २१९२ रुपैयाँ २३ पैसा रहेको छ ।