मिथिला लघुवित्तको नाफा २४२ प्रतिशतले बढ्यो

काठमाडौं । चालु आर्थिक वर्षको पहिलो त्रैमासमा मिथिला लघुवित्त वित्तीय संस्थाले १ करोड ५७ लाख ६३ हजार रूपैयाँ नाफा आर्जन गरेको छ ।

यो गत आवको सोही अवधिको तुलनामा २४२.५२ प्रतिशत धेरै हो । गत आवको सोही अवधिमा संस्थाले ४६ लाख २ हजार रूपैयाँ नाफा कमाएको थियो ।

यो अवधिमा संस्थाको खुद ब्याज आम्दानी र सञ्चालन मुनाफामा सुुधार आएको छ । गत आवको पहिलो त्रैमासमा १ करोड ८८ लाख ५ हजार रूपैयाँ मात्र खुद ब्याज आम्दानी गरेको संस्थाले चालु आवको सोही अवधिमा २ करोड ५६ लाख रूपैयाँ खुद ब्याज आम्दानी गरेको छ । यस्तै सञ्चालन नाफा ७१ लाख ८४ हजार रूपैयाँबाट बढेर २ करोड १५ लाख ८२ हजार रूपैयाँ आर्जन गरेको छ ।

१२ करोड १७ लाख ४० हजार चुक्ता पुँजी भएको संस्थाको जगेडा कोषमा ८ करोड ४५ लाख ६७ हजार रूपैयाँ रहेको छ ।

तीन महिनामा ४१ करोड १६ लाख ६३ हजार ?पैयाँ निक्षेप संकलन गरेको संस्थाले १ अर्ब ४५ करोड ५८ लाख ९८ हजार रूपैयाँ कर्जा लगानी गरेको छ ।

संस्थाको खराब कर्जा २.५२ प्रतिशतबाट घटेर १.३८ प्रतिशत रहेको छ । प्रतिसेयर आम्दानी ५१ ?पैयाँ ७९ पैसा रहेको कम्पनीको प्रतिसेयर नेटवर्थ १६९ रूपैयाँ ४७ पैसा रहेको छ ।