नयाँ गभर्नर महाप्रसाद अधिकारीको हस्ताक्षर भएको पहिलो नोट ५ र १० रुपैयाँको हुने
काठमाडौंं । नयाँ गभर्नर महाप्रसाद अधिकारीको हस्ताक्षर भएको पहिलो नोट ५ र १० रुपैयाँको हुने भएको छ । उक्त नोट छाप्ने जिम्मा चिनियाँ कम्पनी चाइन बैंकनोट प्रिन्टिङ एण्ड मिन्टिङ कर्पाेरेशनलाई दिइएको छ ।
नेपाल राष्ट्र बैंकले ५ र १० रुपैयाँको नयाँ नोट ६४ करोडा थान छाप्ने भएको हो । ५ रुपैयाँको ३० करोड थान र १० रुपैयाँको ३४ करोड थान नयाँ नाृट छाप्ने भएको छ ।
नयाँ नोट छाप्ने जिम्मा चिनियाँ कम्पनीले पाएको छ । राष्ट्र बैंकका अनुसार चाइन बैंकनोट प्रिन्टिङ एण्ड मिन्टिङ कर्पाेरेशनलाई नयाँ नोट थाप्ने दिने निर्णय भएको छ । उक्त कम्पनीले नयाँ नोटको डिजाइन गर्नुका साथै छपाइ र आपूर्तिसमेत गराउने छ ।
राष्ट्र बैंकले ५ रुपैयाँ दरको नोट छाप्नका लागि ४३ लाख ९७ हजार ५०० अमेरिकी डलर र १० रुपैयाँ दरका नोट छाप्नका लागि ४१ लाख ४० हजार ४०० डलरमा जिम्मा दिइएको छ । यो नोटमा नवनियुक्त गभर्नर महाप्रसाद अधिकारीको हस्ताक्षर हुनेछ । यो नै गभर्नर अधिकारीको हस्ताक्षर भएको पहिलो नोट हुने छ । 
पुष्प दुलाल
