सरकाले प्रस्तुत गरेका ७७ आयोजनामध्ये १५ वटामा लगानी सम्झौता
काठमाडौं । लगानी सम्मेलनका लागि सरकारका ५० र निजी क्षेत्रका २७ वटा अयोजना गरी कूल ७७ वटा आयोजना शोकेश गरिएको थियो । तर, लगानीकर्ताहरुले जम्मा १७ वटा आयोजनामा मात्रै चासो देखाएका छन् । सम्मेलनमा पूर्वाधार तथा यातायात क्षेत्रमा ७, उर्जामा ४, कृषिमा ३ शिक्षा तथा स्वास्थ्यमा २ र लजिस्टिकमा १ कम्पनीले इच्छा देखाएका हुन् ।
९०० मेगावाटको अरुण तेस्रोमा एसबिआइ एभरेष्ट बैंक र नविल बैंकले लगानी गर्ने
लगानी बोर्डका प्रमुख कार्यकारी अधिकृत महाप्रसाद अधिकारीले दिएको जानकारी अनुसार ७७ अयोजनामध्ये १७ वटामा लगानीकर्ताले चासो देखाएको र १५ वटामा लगानीको सम्झौता भएको छ ।
सम्मेलनमा लामो समयदेखि लगानी जुटाउन नसकिरहेको ९०० मेगावाट विद्युत उत्पादन क्षमताको अरुण तेस्रोका लागि भारतीय कम्पनी सतलजले लगानी जुटाएको घोषणा गरेको छ ।
स्टेट बैंक अफ इण्यिा (एसबइआइ), एभरेष्ट बैंक र नविल बैंकले संयुक्तरुपमा अरुण तेस्रो जलविद्युत आयोजनामा लगानी गर्ने भएका हुन् ।
त्यसैगरी, अर्बपति विनोद चौधरी अध्यक्ष रहेको चौधरी ग्रुपले ४ वटा आयोजनामा लगानीको सम्झौता गरेको छ ।
चौधरी ग्रुपले फाइनान्स कम्पनी, टेलिकम, सोलार, मल्टि मोडेल लजिस्टीकमा विदेशी लगानी भित्र्याउने भएको हो ।
सिमरामा सेज बनाउन लगानी बोर्ड र आइएसीबीच सम्झौता, आइएफसीले नेपालमा १ खर्ब लगानी गर्ने
चौधरी ग्रुपले प्रवद्धन गरेको युनाइटेड फाइनान्समा भारतको मुथुत फाइनानसको ३९ करोड ९० लाख रुपैयाँ लगानी भित्र्याएको छ ।
त्यसैगरी, चौधरी ग्रुपले ६ सय मेगावाटको सोलार प्लान्टमा लागि क्यानडाको स्काइ पावर कम्पनीलाई भित्र्याउन सम्झौता गरेको छ भने सिजी लाइफले टेकिममा पनि लगानी भित्र्याउने भएको छ ।
सिन्सियल कन्सोल्टियमसँग मिलेर ज्ञानेन्द्रलाल प्रधानले बुटिक होटेल खोल्ने
त्यस्तै, चौधरी ग्रुपले सोलार प्लान्ट राख्नेबारे प्रदेश २ सरकारसँग पनि समझदारी गरेको छ ।
त्यसैगरी, गैरआवासिय नेपालीहरुको संगठन एनआरएनएले १० अर्ब रुपैयाँको भेञ्चर क्यापिटल फण्ड बनाएर नेपालमा लगानी गर्ने सम्झौता भएको छ ।
व्यवसायी ज्ञानेन्द्रलाल प्रधानले सिन्सियल कन्सोल्टियमसँग मिलेर बुटिक होटेल खोल्ने भएका छन् । लगानी सम्मेलनमा बुटिक कन्सोल्टियम र प्रधानबीच लगानी सम्झौता भएको हो ।
लगानी बोर्डका सीइओ अधिकारीले भने- हामी लगानीकर्तालाई अन्तर्राष्ट्रियस्तको सुविधा दिन्छौं
काभ्रेको बनेपामा हिमालयन बुटिक रिसोर्ट खोल्नका लागि शनिबार सम्झौता भएको हो ।
त्यसैगरी, अन्तर्राष्ट्रिय वित्त निगम ९आईएफसी०ले र लगानी बोर्ड बीच सिमरामा विशेष आर्थिक क्षेत्र (सेज) बनाउनका लागि सम्झौता भएको छ ।
लगानी बोर्डका सीइओ महाप्रसाद अधिकारी र आइएफसीका प्रतिनिधिबीच उक्त सम्झौता भएको हो । सार्वजानिक निजी साझेदारीमा उक्त सेज निर्माण गरिने छ ।
आइएफसीका उपाध्यक्ष पिटर लेन्क्सले नेपालमा एक अर्ब अमेरिकी डलर अर्थात् १ खर्ब १० अर्ब रुपैयाँ बराबरको लगानी गर्ने बताएका थिए।
आइएफसीले आगामी ४ वर्षमा सो लगानी नेपालमा गर्नेछ ।
त्यसैगरी, उर्जा उद्यमी गुरुप्रसाद न्यौपानेको ७५ मेगावाट विद्युत उत्पादन क्षमताको त्रिशुली जलविद्युत आयोजनाले पनि विदेशी लगानी भित्र्याउने सम्झौता गरेको छ ।
सम्मेलनमा ४० देशका ७३५ जना र ६०० जना स्वदेशी लगानीकर्ता सहभागी भएको लगानी बोर्डले जनाएको छ । जसमा ३०० भन्दा बढी विदेशी कम्पनी र १०० भन्दा बढी स्वदेशी कम्पनीका लगानीकर्ताहरु सहभागी भए ।
पुष्प दुलाल
