कुमारी बैंक र स्मल वल्ड सर्भिस ग्रुपबीच रेमिट्यान्स सेवा सम्झौता

काठमाडौ । कुमारी बैंक लिमिटेड र स्मल वल्र्ड सर्भिस ग्रुप लिमिटेड युकेबीच रेमिट्यान्स सम्झौता भएको छ ।

मुलुकभर रेमिट्यान्स सेवा बिस्तार गर्ने गरी सम्झौता पत्रमा हस्ताक्षर भएको हो । उक्त सम्झौतापत्रमा कुमारी बैंकका प्रमुख कार्यकारी अधिकृत सुरेन्द्र भण्डारी र स्मल वल्र्ड सर्भिस ग्रुपका प्रमुख कार्यकारी अधिकृत निकोल्स जोन स्टेवार्ट डेबीच रेमिट्यान्स सेवा बिस्तार गर्ने सम्बन्धमा हस्ताक्षर भएको हो ।

यो सम्झौता पश्चात विश्वभर रहेका स्मल वल्र्ड सर्भिसका काउन्टर र अनलाइन रेमिट्यान्स सर्भिस मार्फत सजिलै नेपालमा पैसा पठाउन सकिनेछ । त्यसै गरी उक्त रेमिट्यान्स कुमारी बैंक लिमिटेडका सम्पूर्ण ८९ शाखा तथा कुमारी बैंकका करिव ८५०० भन्दा बढी एजेन्ट मार्फत सजिलै भुक्तानी लिन सकिनेछ । यो सेवा मार्फत नेपालका जुनसुकै बैंकमा पनि रकम पठाउन सकिने हुँदा पाउने व्यक्तिले निर्वाध रुपमा रकम आफ्नो बैंकमा रहेको खातामा प्राप्त गर्न सक्नेछन् ।