प्रदेश ५ काे पञ्चवर्षीय आवधिक योजना तर्जुमा

काठमाडाै । प्रदेश नं ५  मा रहेका १२ वटै जिल्लाका आवधिक वर्षीय आवधिक योजना निमार्ण कार्य शुरू भएकाे छ ।

मुख्यमन्त्री तथा मन्त्रिपरिषद् कार्यालयले  गुलरीयामा आयोजना गरेकोे योजना तर्जुमा गोष्ठीमा सङ्घीय मामिला तथा कानूनमन्त्री कुलप्रसाद केसीले सो जानकारी दिँदै कर्णाली नदी र बबई नदीको पानी व्यस्थापन गरी बर्दियालाई हरियाली जिल्ला बनाउने र त्यहाँका आठै स्थानीय तहको मोटरबाटोलाई सुविधासम्पन्न बनाइने बताए ।

अहिलेसम्म १५ वटा ऐन निर्माण भइसकेको र बाँकी ऐन आगामी प्रदेशसभाको बैठकले प्रक्रियामा अगाडि बढाउने उनले जानकारी दिए ।
बर्दिया नेपालकै अन्नको भण्डार भएकाले सबै जिल्लामा खाद्यान्न पुर्याउने लक्ष्य सहित त्यहाँ कृषिको विकास र औद्योगीकरणका लागि योजना निर्माण गर्न आठै स्थानीय तहका प्रमुखलाई मन्त्री केसीले आग्रह गर्नुभयो ।