अब मुख्यमन्त्रीसँग सित्तैमा फोनमा कुरा गर्न पाइने

क्लिकमान्डु २०७५ वैशाख ३ गते १४:३९ मा प्रकाशित


काठमाडौं । मुख्यमन्त्रीसँग जनताले सित्तैमा फोनमा कुरा गर्न पाउने भएका छन् । जनतालाई सित्तैमा मूख्यमन्त्रीसँग कुरा गर्ने वातावरण बनाउनका लागि नेपाल दूरसञ्चार प्राधिकरणले प्रदेश सरकारलाई टोल फ्री (सर्टकोड) नम्बर छुट्याएको हो ।

प्राधिकरणका प्रवक्ता मिनप्रसाद अर्यालले जनता र प्रतिनिधिबीच सहज सम्र्पक स्थापित गर्नका लागि सर्टकोड नम्बर छुट्याइएको जानकारी दिएका छन् ।

‘प्रदेश सरकारले जनतासँग मुख्यमन्त्री भन्ने कार्यक्रमम संचालन गरेका छन्, सोहि कार्यक्रमको सहजताका लागि प्रत्येक प्रदेश सरकारका लागि ४ अंकको सर्टकोड नम्बर छुट्याएका छौं,’ अर्यालले क्लिकमाण्डूसँग भने ।

प्राधिकरणका अनुसार प्रदेश नम्बर १ र ३ लाई सर्टकोड नम्बर उपलब्ध गराइएको छ । अन्य प्रदेशका लागि समेत सर्टकोड नम्बर ‘रिजर्भ’ राखिएको प्रवक्ता अर्यालले बताए ।

प्रदेश सरकारको माग अनुसार सर्टकोड नम्बर प्राधिकरणले उपलब्ध गराउनेछ ।

जनताको पैसा लाग्दैन
प्राधिकरणले उपलब्ध गराउने सर्टकोड नम्बरमा प्रदेश सरकारले टेलिकम सेवा प्रदायको नम्बर राख्नुपर्ने हुन्छ । प्रदेश सरकारले प्रयोग गर्ने नम्बरमा ४ अंकको सर्टकोड नम्बर डायरगरी जनताले प्रतिनिधिसँग सिधा सम्पर्क राख्न सक्नेछन् ।

प्रदेश सरकारले प्रयोग गर्ने यस्तो नम्बरमा फोन गर्दा जनताको शुल्क काटिदैनन् । तर प्रदेश सरकारले भने सो सेवा बापत टेलिकम सेवा प्रदायकलाई भने पैसा तिर्नुपर्ने हुन्छ ।

यस्ता छन्, प्रदेश सरकारका सर्टकोड नम्बर
प्रदेश १ः १०९१
प्रदेश २ः १०९२
प्रदेश ३ः १०९३
प्रदेश ४ः १०९४
प्रदेश ५ः १०९५
प्रदेश ६ः १०९६
प्रदेश ७. १०९७

ट्वीटरमा हामीलाई फलो गर्नुहोस्

तपाईको प्रतिक्रिया

हाम्रो सिफारिस

सम्बन्धित
टिप्स