डिभी भर्ने आज अन्तिम दिन, राति १०:४५ बजेपछि बन्द हुने

काठमाडौं । अमेरिका जानका लागि भरिने डिभी लट्री अर्थात अमेरिकी डाइभर्सिटी भिसा (ईडिभी) भर्ने आज अन्तिम दिन हो । नेपालस्थित अमेरिकी दुतावासले जनाएअनुसार मंगलबार राति १०ः४५ बजेसम्म डिभी भर्ने समयसीमा छ ।

मंगलबार राति १०ः ४५ बजेपछि भरिने डिभी स्वतः अमान्य हुने नियम छ ।

गत वर्षहरुमा पासपोर्ट बिनै डिभी भर्ने व्यवस्था रहेकोमा यस वर्षदेखि भने डिभी भर्नका लागि अनिवार्य पासपोर्ट नम्बर चाहिने नयाँ नियम लागू भएको हो । यो नियम लागू भएसँगै राहदानी बनाउनेहरुके संख्या अत्यधिक बढेको थियो । राहदानीका कारण यसवर्ष डिभी भर्नेहरुको संख्यामा कमी आएको न्यूरोडस्थित एक इन्स्टिच्युटका सञ्चालकले बताए ।