प्रतिनिधि सभा विषयगत समितिका सभापतिको निर्वाचन भदौ ५ मा

काठमाडौँ । प्रतिनिधिसभा मातहतका १० विषयगत समितिको सभापति चयनका लागि आगामी भदौ ५ गते निर्वाचन हुने भएको छ ।

प्रतिनिधिसभाको आजको बैठकको अन्त्यमा सभामुख कृष्णबहादुर महराले उक्त जानकारी दिएका हुन् । समितिहरुको बैठकको अध्यक्षता सम्बन्धित समितिका ज्येष्ठ सदस्यहरुले गर्दै आएका छन् ।

उक्त निर्वाचनका लागि सङ्घीय संसद् सचिवालयले आजै निर्वाचन कार्यक्रम प्रकाशन गर्नेछ ।