असइमा भर्ना हुन जाँच दिनुभएको थियो ? निस्कियो लिखितको नतिजा

काठमाडौं । नेपाल प्रहरीको रिक्त प्रहरी सहायक निरीक्षक (असइ) मा जाँच दिनु भएको थियो भने लिखित परीक्षाको नतिजा प्रकाशित भएको छ ।

प्रहरीले आइतबार (हिजो) नतिजा प्रकाशन गरेको हो । नेपाल प्रहरीले गत बर्षको साउन ३१ गते विज्ञापन प्रकाशित गरी नयाँ असइ भर्ना प्रक्रिया सुरु गरेको थियो ।

‘नेपाल प्रहरीमा रिक्त प्रहरी सहायक निरीक्षक (जनपद) पदमा खुल्ला प्रतियोगिताद्धारा समावेशी प्रावधान अनुसार पदपूर्ति गर्न गत साउन ३१ गते प्रकाशित बिज्ञापन अनुसार दरखास्त दिई लिखित परीक्षामा सहभागी भएका उम्मेदवारहरुको लिखित परीक्षाको नतिजा आइतबार प्रकाशन गरिएको छ,’ नेपाल प्रहरीले भनेको छ ।

उक्त नतिजा नेपाल प्रहरीको वेब साईटमा समेत राखिएको प्रहरी प्रधान कार्यालय मानवश्रोत बिकास बिभाग भर्ना तथा छनौट शाखाले जनाएको छ ।