रोनाल्डोको बिदाइ सुखद होला? यस्तो छ पोर्चुगलको नकआउट यात्रा

एजेन्सी । पोर्चुगलका क्रिस्टियानो रोनाल्डो र कोलम्बियाका जेम्स रोड्रिग्वेजले शनिबार उनीहरूको विश्वकप खेल सुरु हुनुअघि न्यानो अँगालो बाँडे । त्यसपछि हाफ-टाइमको अन्तिम क्षणमा टोलीहरू मैदानमा फर्किँदा यी दुई कप्तानहरूले फेरि कुराकानी गरे ।

यो कुनै ‘मैत्रीपूर्ण’ खेल थिएन । फुटबलको भाषामा यस्तो खेल जसको अंक तालिका वा ट्रफीका लागि कुनै अर्थ रहँदैन तर यो वास्तवमै त्यस्तै महसुस भएको थियो । अबदेखि भने त्यस्तो हुने छैन ।

अब रोनाल्डोका लागि कि जित्नु कि घर फर्कनुको विकल्प छ । अब सबै कुरा ‘बिजनेस’ जस्तै गम्भीर हुनेछ । ४१ वर्षीय रोनाल्डो आफ्नो छैटौँ र सम्भवतः अन्तिम विश्वकप खेलिरहेका छन् । शनिबार कोलम्बियासँगको ०-० को बराबरीपछि, यदि उनले आफ्नो बिदाइमा फुटबलको सर्वोच्च उपाधि दिलाउने हो भने अबको बाटो उनलाई थाहा छ: नकआउट चरण प्रतीक्षामा छ र पोर्चुगलका लागि यो यात्रा बिहीबार टोरन्टोमा क्रोएसियाविरुद्ध सुरु हुनेछ।

कोलम्बिया समूह विजेता बन्यो र पोर्चुगल दोस्रो स्थानमा रह्यो ।

क्रोएसियाविरुद्धको खेल जितेमा, ‘राउन्ड अफ १६’ मा पोर्चुगलको अर्को सम्भावित प्रतिद्वन्द्वी स्पेन हुनेछ । त्यो खेल जिते पनि पोर्चुगल वास्तवमा प्रतियोगिता जित्नबाट अझै तीन खेल टाढा हुनेछ ।

रोनाल्डोले यस प्रतियोगितामा दुई गोल गरेका छन्, जसले गर्दा उनको कुल विश्वकप गोल संख्या १० पुगेको छ । यससँगै उनी पुरुष विश्वकपका ६ फरक संस्करणमा गोल गर्ने एकमात्र खेलाडी बनेका छन् ।

रोनाल्डो र पोर्चुगल कोलम्बियाविरुद्धको अन्तिम समूह चरणको खेलका लागि मैदानमा उत्रिँदा उनीहरूको ‘राउन्ड अफ ३२’ मा स्थान सुरक्षित भइसकेको थियो । शनिबार दिउँसो मियामीमा करिब १०० डिग्री (३८ डिग्री सेल्सियस) को गर्मी भए तापनि, हल्का ज्याकेट, टी-सर्ट र सर्ट्समा सजिएका रोनाल्डोले टिम बसदेखि स्टेडियमको प्रवेशद्वारसम्मको बाटोमा लाइन लागेर बसेका केही प्रशंसकहरूलाई ‘थम्ब्स-अप’दिए।

उनको मुड निकै हल्का र खुसी देखिन्थ्यो। अब अगाडि बढ्दै जाँदा, त्यो सम्भवतः परिवर्तन हुनेछ। उनको विश्वकपको सपना अब साँच्चै दाउमा छ।