तीन दिने भ्रमण सकेर चीनबाट बिदा भए ट्रम्प

एजेन्सी । अमेरिकाका राष्ट्रपति डोनल्ड ट्रम्प शुक्रबार बेइजिङबाट अमेरिकाका लागि प्रस्थान गरेका छन् ।

विश्वका दुई शीर्ष अर्थतन्त्रहरू बीचको सम्बन्धमा रहेका विभिन्न मतभेदहरूलाई सम्बोधन गर्ने उद्देश्यका साथ चिनियाँ राष्ट्रपति सी चिनपिङसँग ट्रम्पले उच्चस्तरीय बैठकहरू गरेका थिए ।

विमानस्थलको रनवेमा आयोजित बिदाइ समारोहपछि शुक्रबार दिउँसो बेइजिङ क्यापिटल इन्टरनेशनल एयरपोर्टबाट एयर फोर्स वानले उडान भरेको छ ।

विमानमा चढ्ने क्रममा ट्रम्पले मुठ्ठी उठाएर अभिवादन गरे जबकि नीलो रंगको लुगा लगाएका मानिसहरूले अमेरिका र चीनका झण्डाहरू हल्लाउँदै जयजयकार गरिरहेका थिए ।

ट्रम्पको तीन दिने चीन भ्रमणका क्रममा राजकीय भोज, ऐतिहासिक स्थलहरूको भ्रमण, द्विपक्षीय चियापान र कार्यमूलक दिवाभोज जस्ता कार्यक्रमहरू समावेश थिए ।