काठमाडौं । गण्डकी मेडिकल कलेज टिचिङ हस्पिटल एण्ड रिसर्च सेन्टर प्रालिले चालु आर्थिक वर्षको ९ महिनामा १ अर्ब १३ करोड ५० लाख रुपैयाँको व्यापार गरेको छ । कम्पनीले सन् २०२५ को ९ महिनाको अवधिमा १ अर्ब रुपैयाँ बढीको कारोबार गरेको हो ।
कम्पनीले सन् २०२४ मा १ अर्ब ४४ करोड ४० लाख रुपैयाँ, सन् २०२३ मा १ अर्ब ३० करोड ९० लाख रुपैयाँ, सन् २०२२ मा १ अर्ब १५ करोड ७० लाख रुपैयाँ र सन् २०२१ मा १ अर्ब ७ करोड ६० लाख रुपैयाँको व्यापार गरेको थियो । कम्पनीकाअनुसार सन् २०२४ मा १० प्रतिशतले व्यापार बढेको उल्लेख गरेको छ ।
कास्की जिल्लामा रहेको रिसर्च सेन्टर सन् २००७ मा स्थापना भएको थियो । टिचिङ हस्पिटलले एमबीबीएस, बीडीएस, नर्सिङ, बीएनएस, बीएससी एमएलटी, बीपीएच, बी फर्मा प्रोग्राम र पोस्ट ग्रज्युड प्रोग्रामजस्ता कोर्सको सुविधा दिँदै आएको छ ।
कम्पनीले दीर्घकालीन कर्जाका लागि ५२ करोड २० लाख रुपैयाँको रेटिङ गराएको छ । कम्पनीले ५ सय ५० शैय्याको सुविधाका साथ सेवा दिँदै आएको छ ।
प्रतिक्रिया