काठमाडौं । गायिका एलिना चौहानको नयाँ गीत सार्वजनिक भएको छ ।
बिहीबार उनको युट्युब च्यानलमार्फत ‘एक्लैपनि जिन्दगी चल्दो रहेछ’ बोलको गीत सार्वजनिक भएको हो । गीतको भिडियोमा एलिना देखिएकी छन् ।
रोशन सिंहको शब्द तथा संगीत रहेको गीतमा विशाल निरौलाको संगीत संयोजन छ । महेश महराले छायांकन गरेको गीतको भिडिओलाई लक्ष्मण चौहानले सम्पादन गरेका छन् । गीतलाई विक्रम चौहानले निर्देशन गरेका हुन् ।
श्रीमानसँग डिभोर्स हुन लागेको चर्चाका बीच चौहानको ‘एक्लैपनि जिन्दगी चल्दो रहेछ’गीत आएको हो । सञ्चारकर्मी प्रकाश सुवेदीले टेलिभिजन कार्यक्रममा चौहानको वैवाहिक सम्बन्ध धेरै नटिक्ने दाबी गरेका थिए ।
एलिना र विष्णु सापकोटाबीच करिब १ वर्षअघि विवाह भएको थियो । केही समयको प्रेमपछि उनीहरु विवाह बन्धनमा बाँधिकएका थिए । विष्णु अस्ट्रेलिया बस्दै आएका छन् ।
विवाहपछि एलिना पनि अस्ट्रेलियानै गएकी थिइन् । त्यहाँ ३/४ महिना बसेपछि काठमाडौं आएकी उनी फेरि फर्किएकी छैनन् ।
प्रतिक्रिया