सपोर्ट लघुवित्तले १४.५० प्रतिशत लाभांश दिने

काठमाडौं । सपोर्ट लघुवित्त वित्तीय संस्थाले लाभांश घोषणा गरेको छ ।

संस्थाले गत आर्थिक वर्ष २०८०/०८१ को नाफाबाट १४.५० प्रतिशत लाभांश दिने प्रस्ताव गरेको छ । जसमा बोनस १३.७७ प्रतिशत र कर प्रयोजनका लागि ०.७२ प्रतिशत नगद लाभांश दिने प्रस्ताव गरेको छ ।

यो प्रस्ताव नेपाल राष्ट्र बैंकले स्वीकृत गरेर संस्थाको आगामी आवको साधारण सभाले पारित गरेपछि सेयरधनीले पाउनेछन् ।

संस्थाले २०८१ पुस ६ गते बार्षिक साधारणसभा गर्ने भएको छ । त्यसका लागि मंसिर १४ गते बुक क्लोज गर्ने जनाएको छ । मंसिर १३ गतेसम्म कायम रहेका सेयरधनीले कम्पनीले तोकेको लाभांश पाउन सकिन्छ ।