हात्तीको आक्रमणबाट झापामा एक जनाको मृत्यु

काठमाडौं । झापाको दमक नगरपालिकामा हात्तीको आक्रमणबाट एक जनाको मृत्यु भएको छ ।

हात्तीले आइतबार बिहान आक्रमण गर्दा दमक नगरपालिका–३ दिपज्योति टोलका ४५ वर्षीय मीनबहादुर भण्डारीको मृत्यु भएको हो ।

जिल्ला वन कार्यालयका प्रमुख मेघराज राईका अनुसार छिमेकी सुविन भट्टराईको घर हात्तीले भत्काउन थालेपछि त्यसलाई धपाउ खोज्दा भण्डारी आक्रमणमा परेका हुन् । उनको घटनास्थलमै मृत्यु भएको हो ।