अमेरिकनदेखि जिम्माबेलीसम्म जागिर खान आउँछन् नेपाल

काठमाडौं । वैदेशिक रोजगारीका वार्षिक लाखौं नेपाली बाहिरिने गरेका छन् । नेपालमा रोजगारीको वातावरण नभएकाले वैदेशिक रोजगारीमा जानु परेको धेरै नेपालीहरुको गुनासो हुन्छ ।

तर, यही नेपालमा लाखौं नेपाली रोजगार नपाए बाहिरिरहेका अवस्थामा अमेरिकादेखि जिम्माबेसम्मका श्रमीकहरु जागिर खाइरहेका छन् । उनीहरुले नेपालको आइएनजियो, निजी कम्पनी र सरकारी कार्यालयमा जागिर गरिरहेको श्रम विभागले जानकारी दिएको छ ।

आर्थिक बर्ष २०७३/७४ मा ५५ देशका १९ सय ७२ विदेशी कामदार श्रम विभागबाट स्वीकृति लिएर नेपालमा काम गरिरहेका छन् । जसमध्ये ६ सय ४८ जनाले अघिल्लो बर्षको श्रम स्वीकृतिलाई नविकरण गरेका छन् । आर्थिक बर्ष २०७२/७३ मा १४ सय ७२ विदेशी नागरिकले विभागबाट श्रम स्वीकृति लिएका थिए ।

अघिल्लो बर्षको तुलनामा यस बर्ष श्रम स्वीकृति लिई काम गर्नेको संख्या ५ सयले बढेको विभागले जनाएको छ ।