क्रम्प्टन ग्रीभ्स कन्ज्युमर इलेक्ट्रिकल्स राष्ट्रिय ऊर्जा संरक्षण पुरस्कारबाट सम्मानित

काठमाडौं । क्रम्प्टन ग्रीभ्स कन्ज्युमर इलेक्ट्रिकल्स लिमिटेडलाई भारत सरकार, ऊर्जा मन्त्रालय र ऊर्जा दक्षता ब्यूरोद्वारा प्रतिष्ठित ‘राष्ट्रिय ऊर्जा संरक्षण पुरस्कार २०२३’ बाट सम्मानित गरिएको छ । यस अवसरमा चौधरी ग्रुपले क्रम्प्टनलाई बधाईको साथ दुई कम्पनी बीचको सहकार्यमा सन्तुष्टि जनाएको छ ।

उक्त पुरस्कार डिसेम्बर १४, २०२३ मा भारतका माननीय राष्ट्रपति द्रौपदी मुर्मुले विज्ञान भवन, नयाँ दिल्लीमा राष्ट्रिय ऊर्जा संरक्षण दिवसमा प्रदान गरेकी हुन् ।

राष्ट्रिय ऊर्जा संरक्षण पुरस्कार एक प्रमुख वार्षिक कार्यक्रम हो जसले ऊर्जा संरक्षणमा असाधारण योगदानहरूलाई हाइलाइट गर्दछ। डिसेम्बर १४, १९९१ मा यसको स्थापनापछि, भारत सरकारका गणमान्य व्यक्तिहरूबाट यी पुरस्कारहरू अर्थव्यवस्थाको विभिन्न क्षेत्रहरूमा ऊर्जा संरक्षणमा उदाहरणीय प्रयासहरूलाई प्रस्तुत गर्दछ ।

‘वर्षको सबैभन्दा ऊर्जा कुशल उपकरण’ श्रेणीमा फोकसले उपभोक्ताको आवश्यकता पूरा गर्ने मात्र नभई ऊर्जा संरक्षणमा पनि योगदान पुर्‍याउने उत्पादनहरू सिर्जना गर्न नवप्रवर्तनको महत्त्वलाई जोड दिइन्छ । एरोन निओ ३०१५ स्टोरेज वाटर हिटर मोडेलको तापक्रम सेन्सिङ प्रविधिको साथ एक उल्लेखनीय उत्पादन हो, जसले विश्वसनीयता र सुरक्षा दुवैलाई बढाउँछ । समान क्षमताको १ स्टार रेटेड स्टोरेज वाटर हिटरको तुलनामा ४६% सम्मको पर्याप्त ऊर्जा बचत एक प्रभावशाली उपलब्धि हो । यसले वातावरणीय जिम्मेवारीप्रति क्रम्प्टनको प्रतिबद्धतालाई प्रतिबिम्बित मात्र गर्दैन ऊर्जा बिलहरू घटाएर उपभोक्ताहरूलाई मूर्त लाभहरू पनि प्रदान गर्दछ ।
नेपालमा सन् २०२१ देखि चौधरी ग्रुपले क्रम्प्टन ब्रान्डका उत्पादनहरू आफ्नो च्यानल र आउटलेटहरूमार्फत देशभर वितरण गर्दै आएको छ । चौधरी ग्रुपले नेपालमा क्रम्प्टनका फ्यान, हिटर, गिजर, इमर्सन रड, आइरन, मिक्स्चर ग्राइन्डर, इन्डक्सन र एयर कुलर बेच्दै आइराखेको जनाएको छ ।