सुनको मूल्य घट्ने क्रम जारी, आज कतिमा हुँदैछ कारोबार?

काठमाडौं । गत हप्ताको शुरुवातीदेखि नै निरन्तर घटेको सुनको मूल्य आइतबार पनि घट्ने क्रमलाई निरन्तरता पाएको छ ।
गत हप्ता छापावाला सुनको मूल्य प्रतितोला ३ हजार ४ सय रुपैयाँले घटेको थियो ।

आइतबार पुनः ८ सय रुपैयाँले घटेर प्रतितोला १ लाख ८ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।

त्यस्तै, आइतबार तेजावी सुनको मूल्य प्रतितोला १ लाख ७ हजार ५ सय रुपैयाँ कायम भएको छ ।

साथै, चाँदीको मूल्य प्रतितोला ३५ रुपैयाँले घटेको छ । शुक्रबार चाँदीको मूल्य प्रतितोला १३ सय ९५ रुपैयाँ कायम भएकोमा आइतबार १३ सय ६० रुपैयाँ कायम भएको छ ।