टर्कीको मुद्रास्फीति अगस्टमा ५८.९४ प्रतिशत पुग्यो

एजेन्सी । टर्कीको वार्षिक मुद्रास्फीति अगस्टमा बढेर ५८.९४ प्रतिशत पुगेको छ । टर्की लिराको घट्दो मूल्य र हालैको कर वृद्धिका कारण गत वर्ष अक्टुबरपछि तीव्र मूल्यवृद्धि भएको हो ।

टर्किस तथ्यांक संस्थानको तथ्यांकले अगस्टमा उपभोक्ता मूल्य सूचकांक (सीपीआई) मासिक ९.०९ प्रतिशतले बढेको देखाएको छ ।

सीपीआईले अक्टुबर २०२२ मा ८५.५१ प्रतिशतबाट जुन २०२३ मा ३८.२१ प्रतिशतमा लगातार गिरावट आएको बताएको छ । वार्षिक मुद्रास्फीति जुलाईमा ४७.८३ प्रतिशतले बढेको र यो गत वर्षको अक्टुबरपछि पहिलो पटक बढेको बताइएको छ ।

अगस्ट २४ मा टर्कीको केन्द्रीय बैंकले मुद्रास्फीति नियन्त्रण गर्न १७.५ प्रतिशतबाट २५ प्रतिशतमा ७५० आधारबिन्दु अपेक्षाभन्दा ठूलो ब्याजदर वृद्धि गर्ने घोषणा गरेको छ ।

राष्ट्रपति रेसेप तैयप एर्दोगानले पूर्वबैंकर हाफिज गे एरकानलाई केन्द्रीय बैंक गभर्नर र मेहमेट सिमसेकलाई ट्रेजरी र वित्त मन्त्रालयको प्रमुखको रुपमा नियुक्त गरेपछि केन्द्रीय बैंकले नयाँ नियम लागू गरेको थियो ।