आयल निगमले पैसा तिर्दाको असर, विदेशी मुद्रा सञ्चिति १२ करोड डलरले घट्यो

काठमाडौं । चालु आर्थिक वर्षको पहिलो महिनामा विदेशी मुद्राको सञ्चिति १२ करोड डलरले घटेको छ ।

नेपाल राष्ट्र बैंकले सार्वजनिक गरेको देशको वर्तमान आर्थिक तथा वित्तीय स्थिति अनुसार चालु आर्थिक वर्षको पहिलो महिनामै रेमिट्यान्समा दोहोरो अंकको वृद्धि हुँदा समेत विदेशी मुद्राको सञ्चिति घटेको हो ।

गत आर्थिक वर्षको असार मसान्तमा ९ अर्ब ५४ करोड डलर रहेको विदेशी मुद्राको सञ्चिति चालु आवको साउन मसान्तमा ९ अर्ब ४२ करोड पुगेको छ ।

नेपाल आयल निगमले गत जेठदेखि भारतीय आयल कर्पोरेशनलाई रकम भुक्तानी नगर्दा जेठदेखि विदेशी मुद्राको सञ्चिति बढेको थियो । तर साउनमा निगमले भारतीय आयल कर्पोरेशनलाई ३० अर्ब रुपैयाँ भुक्तानी गरेपछि रेमिट्यान्समा वृद्धि हुँदा समेत विदेशी मुद्राको सञ्चितिमा गिरावट आएको हो ।

जेठ र असारमा विदेशी मुद्राको सञ्चिति बढ्यो, अर्थतन्त्र सुधारको बाटोमा गएको हो ?