सूर्या लाइफको न्यूनतम बीमाशुल्कमै बीमा गर्न सकिने ‘सूर्या सुरक्षा कवज’ योजना सार्वजनिक

काठमाडौं । सूर्या लाइफ इन्स्योरेन्सले ‘सूर्या सुरक्षा कवज’ बीमा योजना सार्वजनिक गरेको छ ।

सोमबारदेखि लागू हुने गरी न्यूनतम प्रमियममै बीमा गर्न सकिने योजना ल्याएको हो ।

योजना अनुसार १८ वर्ष उमेर समूहका व्यक्तिले १ करोड रुपैयाँको बीमाङ्कमा वार्षिक १४ हजार ५५० वा मासिक १२ सय रुपैयाँ तिरे पुग्ने कम्पनीको भनाइ छ ।

साथै, १८ देखि ६५ वर्ष उमेरका नागरिक सुरक्षित र जीवनको रक्षावरण होस् भन्ने अवधारणलाई आत्मसात गरी सम्भवत नेपालको बीमा बजारमा सबैभन्दा न्यून बीमाशुल्कमा यो जीवन बीमा प्रचलनमा ल्याइएको कम्पनीको दाबी छ ।

सूर्या सूरक्षा कवज न्यूनतम १ लाखदेखि आय स्रोतका आधारमा जति पनि गर्न सकिनेछ ।

जोखिम बहनका साथै अतिरिक्त क्रिया खर्चसहितको सुविधा भएको यो योजनालाई अन्य योजनाहरुसँग समिश्रण गरी थप जोखिम बहन हुने गरी लिन सकिनेछ ।

साथै, १ देखि ३० वर्षसम्म बीमा अवधि भएको यो जीवन बीमा योजनामा बीमितको इच्छानुसार एकल भुक्तानी वार्षिक, अर्धवार्षिक, त्रैमासिक तथा मासिक किस्तामा बीमाशुल्क रकम बुझाउन सकिने व्यवस्था गरिएको छ ।

जोखिम रक्षावरण गर्ने कार्यलाई सरल र सहज बनाउन यो योजनामा सरिक भई खरिद गर्न चाहने बीमितले कम्पनीको आधिकारिक वेवसाइट वा मोबाइल एपबाट समेत घरैबाट लिन सकिने व्यवस्था गरिएको छ कम्पनीका प्रमुख कार्यकारी अधिकृत पवन कुमार खड्कालो जानकारी दिए । बीमा शुल्क भने उमेर र अबधिको आधारमा फरक पर्न सक्ने छ ।