नेशनल लाइफ इन्स्योरेन्सको नाफा घट्यो, खुद बीमाशुल्क २४%ले बढ्यो

काठमाडौं । नेशनल लाइफ इन्स्योरेन्सले चालु आर्थिक वर्षको दोस्रो त्रैमाससम्ममा खुद बीमाशुल्क संकलन रकम बढाएको छ ।

कम्पनीले चालु आवको पु मसान्तसम्ममा ६ अर्ब ७९ करोड ७७ लाख रुपैयाँ खुद बीमाशुल्क आर्जन गरेको छ । जनु अघिल्लो आर्थिक वर्षको यही अवधिको तुलनामा २४.०२ प्रतिशतले बढी हो ।

गत आर्थिक वर्षको दोस्रो त्रैमाससम्ममा कम्पनीले ५ अर्ब ४८ करोड १३ लाख रुपैयाँ खुद बीमाशुल्क आर्जन गरेको थियो ।

यस अवधिमा कम्पनीको बीमांकिय मूल्यांकन अघिको नाफा ३९.०३ प्रतिशतले घटेको छ । कम्पनीले यस अवधिमा १४ करोड ४१ लाख रुपैयाँ खुद नाफा कमाएको छ । गत आर्थिक वर्षको पुस मसान्तसम्ममा कम्पनीले २३ करोड ६५ लाख रुपैयाँ खुद नाफा आर्जन गरेको थियो ।

कम्पनीले लगानी कर्जा तथा अन्य आयबाट १ अर्ब ६९ करोड ४० लाख रुपैयाँ र बीमालेख धितोमा कर्जाबाट ६ अर्ब ९५ करोड ९४ लाख रुपैयाँ कर्जा लगानी गरी २७ करोड ४५ लाख रुपैयाँ आम्दानी गरेको छ ।

चुक्ता पूँजी ३ अर्ब ३९ करोड ८ लाख रुपैयाँ रहेको कम्पनीको कम्पनीको प्रतिशेयर आम्दानी ८ रुपैयाँ ५० पैसा छ । जीवन बीमा कोष ४७ अर्ब २१ करोड १२ लाख रुपैयाँ, जगेडा कोषमा एक अर्ब १ करोड २२ लाख रुपैयाँ र महाविपत्ती कोषमा ३१ करोड २३ लाख रुपैयाँ सञ्चित छ ।

इन्स्योरेन्सले १७ हजार ९ सय ३७ वटा दाबी बापत २ अर्ब ६९ करोड ५० लाख रुपैयाँ भुक्तानी गरेको छ । भने ६१ करोड ४३ लाख रुपैयाँ बराबरको दाबी भुक्तानी गर्न बाँकी छ । कम्पनीले यस अवधिमा अभिकर्ता कमिशन खर्च शिर्षकमा ७५ करोड ४१ लाख रुपैयाँ खर्चेको छ ।