नागरिक लगानी कोष र आरोग्य डाइग्नोष्टिक सेन्टरबीच सम्झौता

काठमाडौ । नागरिक लगानी कोष र आरोग्य निलायम मल्टिस्पेशलिष्ट पोलिक्लिनिक एण्ड डाइग्नोष्टिक सेन्टर प्रालिबीच सम्झौता भएको छ ।

सम्झौताअनुसार अब कोषका कर्मचारीहरु र कर्मचारीका परिवार एवं कोषका कार्यक्रममा सहभागी र सहभागीका परिवारहरुको स्वास्थ्य परीक्षणमा छुट दिने सम्झौता भएको छ ।

सो सम्झौतामा बुधबार कोषका कार्यकारी निर्देशक रमण नेपाल र डाइग्नोष्टिक सेन्टरका अध्यक्ष एवं प्रमुख कार्यकारी अधिकृत डा.राजेश देवबीच हस्ताक्षर भएको हो ।

सो अवसरमा कोषका नायव कार्यकारी निर्देशक डा.इन्द्रकुमार कट्टेल, निर्देशक गोपाल घिमिरे,कामु नायव निर्देशक रोशनजंग कार्की, उपनिर्देशक अमृत बहादुर अधिकारीको उपस्थिती रहेको थियो ।

सो सेन्टरमा कोषका कर्मचारी र उनीहरुको परिवारका सदस्यलाई ल्याव सेवामा ३० प्रतिशत, दशैं तिहारमा ल्याव सेवामा ४० प्रतिशत, घरमै नमूना संकलनको सुविधा, अल्ट्रा साउण्ड र इसिजिमा २०÷२० प्रतिशत , माइनर अपरेशनमा १५ प्रतिशत, चिकित्सक परामर्शमा १५ प्रतिशत, बर्षमा एकपटक फुल बडी परीक्षणमा ५५.५६ प्रतिशत र मुख्य अपरेशन गर्न साझेदार हस्पिटलमा बिषेष छुटको व्यवस्था गरिएको छ ।

त्यसैगरी कोषका सहभागी र उनीहरुको परिवारका सदस्यहरुलाई ल्याव सेवामा २५ प्रतिशत, दशैं र तिहारमा ल्याव सेवामा ३५ प्रतिशत, घरमै नमुना संकलनको सुविधा, अल्ट्रा साउन्ड र इसिजिमा १५ प्रतिशत, एक्सरेमा १५ प्रतिशत, माइनर अपरेसनमा १० प्रतिशत, चिकित्सक परामर्शमा १० प्रतिशत एवं मुख्य अपरेशन गर्न साझेदार हस्पिटलमा बिषेष छुट दिने सम्झौतामा उल्लेख छ । यस सम्झौताले कोषमा बिभिन्न योजनाहरुमा सहभागि भएका योगदान कर्ताहरुले लाभ लिन सक्नेछन् ।