माछापुच्छ्रे बैंकले केयर कार्ड सुविधा, १० लाखसम्म उपचार किस्तामा तिर्न सकिने

काठमाडौं । माछापुच्छ्रे बैंक लिमिटेडले आम नागरिकको स्वास्थ्य उपचारमा सघाउ पुर्याउने उद्देश्यले एमबिएल क्रेडिट कार्ड सुविधा संचालनमा ल्याएको छ ।

यस सुबिधा अन्तर्गत ग्राहक महानुभावहरुले आफ्नो तथा आफ्ना परिवारको उपचारमा लाग्ने खर्च माछापुच्छ्रे बैंकको केयर कार्ड सुविधा अन्तर्गत किस्ताबन्दीमा भुक्तानी गर्न सक्नुहुनेछ । उक्त सुविधा अन्तर्गत बैंकले ग्राहक महानुभावहरुलाई दश लाख सम्मको रकम प्रदान गर्ने छ ।

बैंकको क्रेडिट कार्ड भएका ग्राहक तथा नयाँ क्रेडिट कार्ड लिएर पनि ग्राहक महानुभावहरुले उक्त सुबिधा लिन सक्नुहुनेछ । हाल बैंकको क्रेडिट कार्ड नभएका तर कार्ड लिन चाहनुहुने ग्राहक महानुभावहरुले बैंकको वेबसाइट मा गएर क्रेडिट कार्डको लागि आवेदन दिनसक्नेछन् ।

हालको विषम परिस्थितिमा यो सुविधाले ग्राहक महानुभावहरुलाई अप्ठ्यारो पर्दा उपचारको लागि आर्थिक जोहो गर्न मद्दत पुग्ने आशा बैंकले गरेको छ ्र माछापुच्छ्रे बैंक ले आफ्ना ग्राहक महानुभावहरुको सुबिधा लाइ मध्यनजर गर्दै बिभिन्न समयमा यस्ता सुबिधा हरु संचालनमा ल्याउदै आएको छ । ग्राहक महानुभावहरुले उक्त सुबिधा बैंकको देशैभर रहेका १६० शाखाहरु मार्फत सजिल्यै लिनसक्नेछन् ।