तरलता छेलोखेलो हुँदा पनि आधा दर्जन बैंकको सीसीडी रेसियो टाइट, पुस मसान्तमा कस्को कति ?
काठमाडौं । बैंकिङ प्रणालीमा लगानी योग्य पुँजी (तरलता) छेलोखेलो हुँदा पनि आधा दर्जन बैंकको कर्जा-पुँजी-निक्षेप अनुपात (सीसीडी रेसियो) निकै टाइट देखिएको छ ।
राष्ट्र बैंकका अनुसार ०७७ पुस मसान्तमा बैंकिङ प्रणालीमा १ खर्ब ३० अर्ब रुपैयाँ अधिक तरलता थियो ।
कोरोना कहरका कारण राष्ट्र बैंकले सीसीडी रेसियो ८५ प्रतिशत पुर्याउँदा पनि हुने व्यवस्था गरेका कारण सीसीडी टाइट हुने बैंकलाई व्यवसाय विस्तारमा केही सहज भएको हो । होइन भने ८० प्रतिशतमाथि सीसीडी रेसियो पुर्याउने वित्तिकै राष्ट्र बैंकले कारबाही गरिहाल्थ्यो ।
‘कोरोनाका कारण प्रभावित बैंकिङ क्षेत्रलाई हामीले चालु आर्थिक वर्षको मौद्रिक नीतिमार्फत् सीसीडीमा केही सहुलियत दिएका हौं,’ राष्ट्र बैंकका प्रवक्ता गुणाकर भट्टले क्लिकमाण्डूसँग भने ।
०७७ पुस मसान्तमा वाणिज्य बैंकहरुको औसत सीसीडी रेसियो ७४.३१ प्रतिशत छ । तर, सानिमा, मेगा, प्राइम, एनएमबि र बैंक अफ काठमाण्डूको सीसीडी रेसियो ८० प्रतिशतभन्दा धेरै छ ।
सानिमाको ८२.५, मेगाको ८२.८९, एनएमबिको ८१.९७, प्राइमको ८१.३९ र बैंक अफ काठमाण्डूको ८०.११ प्रतिशत सीसीडी रेसियो छ । मसान्तमा बैंकहरुबाट मोटो रकम बाहिरिएपछि सीसीडी रेसियो टाइट भएको हो ।
बैंकर्स संघको तथ्यांकअनुसार ४ वटा वाणिज्य बैंकको सीसीडी रेसियोमात्रै ७० प्रतिशतभन्दा कम छ । स्ट्याण्डर्ड चार्टर्ड बैंकको ६२.२१ प्रतिशत, राष्ट्रिय वाणिज्य बैंकको ६६.७१ प्रतिशत, प्रभु बैंकको ६६.७७ प्रतिशत छ । अन्य १८ बैंकको सीसीडी रेसियो ७० देखि ८० प्रतिशतको बीचमा छ ।
सीसीडी रेसियो धेरै भएका बैंकहरुले निक्षेप बढाउन सकेनन् भने थप कर्जा बढाउन सक्दैनन् । त्यसैले सीसीडी रेसियो टाइट भन्दा अलि कम भएको नै राम्रो मानिन्छ ।
तर, बैंकरहरुले भने कोरोना कहरको समयमा सीसीडी रेसियो नै खारेज गर्नुपर्ने माग गर्दै आएका छन् ।
| S.n | Bank | CCD | ||
| For the month of Poush | ||||
| 1 | ADBNL | 73.06 | ||
| 2 | BOK | 80.11 | ||
| 3 | CENTURY | 71.91 | ||
| 4 | CITIZEN | 74.03 | ||
| 5 | CIVIL | 75.63 | ||
| 6 | EBL | 70.16 | ||
| 7 | GLOBAL | 74.57 | ||
| 8 | HBL | 71.17 | ||
| 9 | KUMARI | 76.15 | ||
| 10 | LAXMI | 72.42 | ||
| 11 | MBL | 78.66 | ||
| 12 | MEGA | 82.89 | ||
| 13 | NABIL | 77.51 | ||
| 14 | NBBL | 71.28 | ||
| 15 | NBL | 69.21 | ||
| 16 | NCC | 72.35 | ||
| 17 | NIBL | 74.07 | ||
| 18 | NIC | 74.73 | ||
| 19 | NMB | 81.97 | ||
| 20 | NSBL | 70.89 | ||
| 21 | PRABHU | 66.77 | ||
| 22 | PRIME | 81.39 | ||
| 23 | RBB | 66.71 | ||
| 24 | SANIMA | 82.5 | ||
| 25 | SBL | 76.81 | ||
| 26 | SCBNL | 62.21 | ||
| 27 | SUNRISE | 77.21 | ||
| Industry Total/Avg | 74.31 |
पुष्प दुलाल
